Azərbaycan respublikasi təHSİl naziRLİYİ Azərbaycan Dövlət iqtisad Universiteti “sabah” Mərkəzi

Strategiya və Siyasət

Bir-biri ilə çox qarışdırılan anlayışlardan olan strategiya və siyasət, bəzi ortaq nöqtələrinin olmasına qarşılıq, bəzi təməl nöqtələrdə bir-birindən ayrılırlar.

Sözügedən məqsədlərə nail olmaq üçün izlənilən yol və ya ümumi planlar siyasət adlanır. Siyasətdən daha geniş və daha ümumi bir konsepsiya olan strategiya siyasəti əhatə edir. Bu strategiya gələcəyi idarə etməklə qeyri-müəyyənliyə nəzarət məqsədi daşıyır; Siyasət təqib olunacaq qaydaların bir hissəsidir. Siyasət ilə təşkilat tərəfindən izləniləcək qaydalar ortaya çıxır. Strategiyada bu qaydaların tətbiq olunması üçün lazımlı olan vasitələr və gedilməsi lazım olan yollar təqdim edilir. Strategiya gələcəklə əlaqədar olması səbəbiylə davamlı dəyişən bir quruluşdadır və strategiyaya dayaq olan məlumatların hər an dəyişməsi göz qarşısında saxlanılaraq bir naməlumluq mühiti idarə olunmağa çalışılır. Siyasətin əsasını təşkil edən məlumat və resurslar isə qəbul edilmiş məlumatlardır. Siyasətlər davamlı olaraq dəyişmədən olduqları kimi təkrar edilə bilərlər. Siyasətlər yalnız bir neçə nizamlama ilə gündəlik dəyişmələrə uyğunlaşa bilər, bu səbəblə siyasətlər köklü və yerləşmiş quruluşa malikdir (Erdem, 2006: 15).

Strategiya və siyasət arasında oxşarlıqlar var. Hər iki anlayış məqsədlərə nail olmaq üçün mövcuddur və hər ikisi uzunmüddətli olaraq təyin olunur. Ancaq qeyd etmək lazımdır ki, strategiya ilə məqsəd arasındakı münasibətlər siyasətdən daha güclüdür. Strategiya bütün resursları və qüvvələri hədəfə çatdıra bilərsə də, həyata keçirilən siyasətlər tək-tək məqsədlər üçün açıqlanmır. Müddət kontekstində strategiyaların və siyasətlərin arasında fərqliliklər olduğu görülməkdədir. Hər ikisi də uzun müddətdə həyata keçirilirsə də, strategiyalar siyasətdən daha uzun müddətlidir. Uzun dövrdə təşkilatın var olduğu mühit dəyişəcəyi üçün strategiya edilən analizlər istiqamətində tez-tez dəyişə bilər. Siyasətlər çox dəyişmir, onlar yalnız dəyişən şərtlərə görə yenilənirlər. Buna görə strategiyalar siyasətlərdən daha çevikdir.

2.