Dedim ki, bir əsər yaradım gərək,
Incə naxışlarla kəsilsin bəzək.
Dünyada nə qədər kitab var belə,
Çalışıb, əlləşib gətirdim ələ.
Ərəbcə, dəricə, yeri düşərkən,
Buxari, Təbəri əsərlərindən.
Oxudum, oxudum, sonra da vardım,
Hər gizli xəznədən bir dürr çıxardım.
Əlimə yetişən hər bir varaqdan
Nüsxələr bağladım mən zaman-zaman.
Onda ki, fikrimi saldım sahmana,
Dedim ki, qoy onu düzüm dastana.
Ariflər, alimlər mənə gülməsin.
Dahi şair müdrik sözə, müdrik sözləri toplayıb nəsildən-nəslə çatdıran kitaba və bu kitabları qoruyan, saxlayan, oxucuların istifadəsinə verən kitabxanaya hörmət və ehtiramını dəfələrlə bildirmiş, onların əhəmiyyətini yüksək dəyərləndirmişdir. O yazır ki, yaxşı kitabın hər misrası öz müəllifini tanıtdırar, əsrlərlə yaşamasına zəmin yaradar:
Dostları ilə paylaş: |
