Səhm – kapitalda hər hansı bir paydır. Səhm müəyyən sertifikata malik olmalıdır.
Səhm sertifikatı – kapital payı üzərində mülkiyyət hüququ təsdiq edən sənəddir. Həmin sənəd səhmdarların mülkiyyət hüququnu göstərən şəhadətnamədir. Sertifikatda səhmdarın adı, sahib olduğu səhmin miqdarı onun səhminin xüsusi xarakteristikası göstərilir. Bir çox sertifikatlarda səhmin nominal dəyəri kimi nominal qiyməti də göstərilir. Bu qiymət adətən həmin səhmin qiymətləndirilən bazar dəyərindən asılı olur.
Satılan səhmin miqdarı səhm kapitalına olan tələbatından və hər bir səhmin qiymətindən asılıdır. Direktorlar şurası bölünə bilən kapitala görə səhmlərin maksimal miqdarı müəyyən edir. Həmin səhmlərin bütün məcmusu nəzəri cəhətdən nizamnamə kapitalı adlanır.
