|
Şirkət ildə 100,000 manat ödəmək şərti ilə 15 il müddətinə binanı ləğv edilə bilməyən əməliyyat icarəsinə götürür, 5 il ərzində bu binadan özü istifadə edir, amma bu müddətdən sonra bina artıq ona lazım olmadığından, həmin əmlakı illik 200,000 manat icarə haqqı ilə təkrar icarəyə (sub-icarəyə) verir. İlk 5 il ərzində bina icarəyə verilərək şirkət tərəfindən istifadə olunur və 14 №-li Milli Mühasibat Uçotu Standartına əsasən, icarə haqqı ödənilir və aktiv mühasibat balansında tanınmır. İndi həmin əmlakın investisiya əmlakı qismində şərh edilə biləcəyini ehtimal etsək, o zaman şirkətin həmin əmlakı investisiya əmlakı qismində təsnif və istifadə etmək seçimini görə bilərik (Nəzərə almaq lazımdır ki, bu məcburi deyil, seçimdən asılıdır). Bu halda həmin aktivin ədalətli dəyərinin müəyyənləşdirilməsi tələb olunacaqdır; bu, pulun cari dəyərinə uyğun diskontlaşdırıldığı kimi 1,000,000 manat (2,000,000 gəlir çıxılsın 1,000,000 icarə xərci) gələcəkdə ehtimal olunan pul vəsaitlərinin axınının xalis cari dəyərinin (XCD) kapitallaşdırılması yolu ilə mümkündür.
Digər bir məsələ mühasibat qeydi ilə bağlıdır.Bu nümunədə XCD 500,000 olduqda, biz 500,000 məbləğində dövriyyədənkənar aktivləri debetləşdirəcəyik, amma bunu mənfəət və zərər haqqında hesabatda və ya kapitalda kredit qismində göstəririkmi və əgər göstəririksə, nə vaxt?Standart ilkin tanınmanın ilkin dəyər əsasında aparılmasını tələb edir, bu misalda isə ilkin dəyər sıfra bərabərdir, buna görə də növbəti qymətləndirmə ədalətli dəyər əsasında aparılmalı və ədalətli dəyər ilə bağlı istənilən dəyişikliklər mənfəət və zərər haqqında hesabatda tanınmalıdır.
Buna görə də ilkin tanınma sıfıra bərabər olacaq, amma investisiya əmlakı əldə olunduqdan sonrakı ilk ilin sonunda həmin əmlak ədalətli dəyər əsasında tanınmalı və ədalətli dəyərin sıfırdan 500,000-dək artması Mənfəət və zərər haqqında hesabatda göstərilməlidir.
Dostları ilə paylaş: |
