İnvestisiyalaşan mənfəət. Firma və şirkətlər xüsusi pul vəsaitləri hesabına özlərinin iqtisadi artımını maliyyələşdirməyə olduqca üstünlük verirlər. Bu yalnız bir səbəblə : kreditorlara faiz ödəməklə əlaqədardır. Bir çox firmalar bölünməz mənfəətə vəsaitlər qoymağa çalışırlar. Bölünməz mənfəət – bütün xərclərin yerini doldurduqdan, vergiləri ödədikdən sonra firmanın sərəncamında qalan vəsaitdir.
Aktivlərin realizasiyası - zəruri vəsaitləri toplamaq məqsədi ilə iri müəssisələr özlərinə məxsus olan bank, şirkət və s. filialların satışıdır. Hər iki daxili mənbə vasitəsilə əldə edilən xalis gəlir hesabına kapitalın həcminin artırılması mənfəətin investisiyalaşması adlanır. Daxili mənbə hesabına investisiyanın maliyyələşdirilməsi heç də bütün vergilərdən azad olmayıb, o özü müəyyən xərclərlə əlaqədar olur. Bir sıra kompaniyalar bölünməz mənfəəti daxili maliyyələşməyə sərf etməkdən daha çox xarici layihələrə qoymağa üstünlük verirlər. Müəssisələrin çoxu bu və ya digər dərəcədə xarici maliyyələşmədən asılı olur. Burada əsas məsələ maliyyələşdirmənin xarici mənbələrindən istifadə etmək deyil, yalnız hansı üsulla nə vaxt və nə qədər pul cəlb etməkdən ibarətdir. Həmin sualların cavabı kapitalının borc və səhm hissələrinin uyğunluğunu izah edir.
