Tədqiqatın məqsəd və vəzifələri. Tədqiqatın məqsədi innovasiya biznesində tətbiq olunan layihələrin iqtisadi səmərəliliyinin artırılması yollarını, innovasiya layihələrinin qiymətləndirilməsi üsulları və iqtisadi təhlilini, innovasiya layihələrinin idarəedilməsi metodologiyası və metodlarını, innovasiya layihələrinin iqtisadi səmərəliliyinin təhlil prinsipləri və qiymətləndirmə üsullarını, innovasiya layihələrinin səmərəliliyinin iqtisadi qiymətləndirilməsinin metodik əsaslarının təkmiləşməsini, layihəniyyətinin formalaşması, innovasiya layihəsi konsepsiyasının işlənməsi və s. kimi məsələləri ətraflı şəkildə araşdıraraq izah etməkdir.
Qeyd olunan məqsədə nail olmaq üçün aşağıdakı vəzifələr qarşıya qoyulmuşdur:
biznesin rəqabət üstünlüklərinin təmin edilməsində innovasiya prosesinin yerini və rolunu müəyyənləşdirmək;
innovasiya layihələrinin tərtibi və qiymətləndirilməsinin nəzəri-metodoloji aspektlərini tədqiq etmək;
Azərbaycan iqtisadiyyatında innovasiya layihələrinin tətbiqinin mövcud vəziyyətini qiymətləndirmək;
innovasiya layihələrinin iqtisadi səmərəliliyinin artırılmasının təşkilati-iqtisadi amillərini müəyyən etmək;
rəqabət qabiliyyətli innovasiya layihələrinin reallaşdırılmasının strateji idarəetmə mexanizmlərini tədqiq etmək;
innovasiya bazarında effektiv layihələrinin reallaşdırılmasının stimullaşdırılması mexanizminin təkmilləşdirilməsinə dair təklif və tövsiyyələr vermək;
biznesin strateji idarə edilməsində innovasiya layihələrinin iqtisadi səmərəliliyinin artırılmasının rolunu əsaslandırmaq;
sahibkarlıq sistemində innovasiya layihələrinin maliyyələşdirilməsi mexanizminin təkmilləşdirilməsi ilə bağlı təklif və tövsiyyələr işləyib hazırlamaq.
