Tədqiqatın elmi yeniliyi. İnnovasiya biznesi müxtəlif sahələrdə yeniliklərin yaradılması və təcrübədə istifadə edilməsi prosesidir. Sənaye müəssisələrinin elmi-texniki tərəqqinin son nailiyyətləri əsasında modernləşdirilməsi, mütərəqqi texnologiyaların tətbiqi, bazarda amansız rəqabətə davam gətirə bilən yüksək keyfiyyətli məhsul istehsalının artırılması innovasiya biznesinin inkişafından daha çox asılıdır. İnnovasiya sferasında iqtisadi mühitin dəyişilməsini müəyyənləşdirən bir sıra vəziyyətləri araşdırmaq və onları biznes fəaliyyətində nəzərə almaq olduqca vacibdir.Tədqiqatın praktiki əhəmiyyəti. Tədqiqat zamanı Azərbaycanın innovasiya sisteminin inkişafı araşdırılaraq bəzi praktiki nəticələr əldə olunmuşdur. Tədqiqatın praktiki əhəmiyyəti müasir biznes sistemində effektiv innovasiya layihələrinin işənib hazırlanmasından ibarətdir. Tədqiqatın nəticələri respublikanın sahibkarlıq subyektəri tərəfindən innovasiya layihələrinin idarə edilməsi strategiyasının, innovasiya istiqamətli məqsədli proqramların işlənib hazırlanması və reallaşdırılmsı zamanı istifadə oluna bilər.
