Şəkil 2.3. Xətti (1) və qeyri-xətti (2) elementlərin volt-amper xarakteristikaları.
Xətti dövrələr. Parametrləri--müqaviməti R, induktivliyi L, tutumu C cərəyanın və gərginliyin qiymətindən və istiqamətindən asılı olmayan elektrik dövrəsi xətti dövrə adlanır. Əgər dövrə elementinin elektrik müqaviməti cərəyandan və ya bu elementdəki gərginlik düşgüsündən asılı deyildirsə, bu element x ə t t i e l e m e n t adlanır. Belə elementlərin volt-amper xarakteristikaları (VAX) xəttidir (şəkil 2.3). Dövrədən axan cərəyanla gərginlik arasındakı asılılığa volt-amper xarakteristikası deyilir və xarakteristikadan kimi təyin olunur: burada R0 -sabit cərəyana qarşı müqavimət və ya s t a t i k m ü q a v i m ə t adlanır. Xətti dövrələrin çıxışındakı siqnalın spektri elə toplananlara malik olur ki, bunlar giriş siqnalında vardır, başqa sözlə xətti dövrələrdən siqnal keçərkən yeni tezlikli toplananlar yaranmır.
