Qeyri-xətti dövrələr. Parametrləri dövrədən axan cərəyanın, yaxud tətbiq olunan gərginliyin qiymətindən və istiqamətindən asılı olduqda belə dövrə qeyri-xətti dövrə adlanır. Əksər hallarda elementin elektrik müqavaməti cərəyan və gərginlikdən asılı olur ki, belə element q e y r i – x ə t t i e l e m e n t adlanır. Qeyri-xətti elementlərin VAX mürəkkəb şəklə malik olur. Qeyri-xətti elementlərə misal olaraq xarakteristikaları qeyri-xətti olan elektron lampalarını və yarımkeçirici cihazlarını göstərmək olar. Nümunə üçün yarımkeçirici tunel diodun VAX şəkil 2.3-də göstərilmişdir. Bu halda qeyri-xətti elementi xarakterizə etmək üçün Rd = ilə təyin olunan d i f e r e n s i a l m ü q a v i m ə t (dəyişən cərəyana qarşı müqavimət) daxil edilir. Rd verilmiş nöqtədə əyriyə çəkilən toxunanın absis oxuna nəzərən meyl bucağı ilə təyin olunur və əyri boyunca nöqtədən- nöqtəyə (0-dan -a kimi) dəyişir. Xarakteristikanın müəyyən hissəsində isə (şəkildə AB hissəsi) mənfi müqavimətə malik olur.
