| § 2.4. Xətti dördqüblülər
Radioelektron sistemlərin tədqiqində dördqütblülər üsulunun tətbiq edilməsi mürəkkəb sxemlərin təhlilini xeyli sadələşdirir.
İki giriş və iki çıxış sıxaclarına malik olan istənilən elektrik dövrəsi d ö r d q ü t b l ü adlanır (şəkil 2.8). Bu sıxacların hər bir cütündən qiymətcə bir-birinə bərabər, istiqamətcə əks olan cərəyanlar keçir. Girişə siqnal mənbəyi, çıxışa isə yük müqaviməti qoşulur və ondan çıxış siqnalı götürülür. Radiosiqnal keçən istənilən radioelektron dövrəsini giriş və çıxışa malik belə dördqütblü şəklində göstərmək olar. Dördqütblülər üsulundan istifadə edilməsi bir çox hallarda iri həcmli aralıq çevirmələr aparmadan istənilən dövrənin giriş və çıxış müqavimətlərini, gərginlik və cərəyana görə ötürmə əmsallarını, həmçinin dövrənin xarakteristikalarını tapmağa imkan verir. Qeyd edək ki, istənilən dördqütblü, ikiqütblülərin kombinasiyasından təşkil olunur.
Dostları ilə paylaş: |
