Mülki müdafiə sistemində göstərilən tibbi yardımın növləri. Mülki müdafiənin tibbi yardımı 3 yerə bölünür:
ilk tibbi yardım
ilk həkim yardımı
ixtisaslaşdırılmış tibbi yardım
İlk tibbi yardım aşağıdakılardan ibarətdir:
qanaxmaları müvəqqəti dayandırmaq;
yara və yanıq yerlərinə sterli sarğı qoymaq;
sınıq, çıxıq və əzilmə zamanı şin qoymaqla və ya əlaltı vasitələr işlətməklə immobilizasiya etmək;
süni nəfəs vermək, ürəyi xaricdən masaj etmək;
kimyəvi və radiaktiv maddələrlə zəhərlənmiş sahələrdə isə fərdi apteçkadan istifadə etməklə şüa zədələnməsi və kimyəvi zədələnmələrin qarşısını almaq, bədənin açıq hissələrini təmizləmək, yaralılara əleyhqaz geyindirmək, təhlükəli sahələrdən çıxartmalı.
İlk həkim yardımı aşağıdakılardan ibarətdir:
yaranın və xəstəliyinin ağırlaşmasının qarşısını almaq;
orqanizmin pozulmuş həyat fəaliyyətini bərpa etmək;
yaralıları müalicə müəssisələrinə köçürməyə hazırlamaq.
İxtisaslaşdırılmış tibbi yardım-mütəxəssis həkimlər tərəfindən xəstəxanalar bazasının müvafiq müalicə müəssisələrində göstərilir. Mülki Müdafiənin Tibb yardımın mahiyyəti-müxtəlif növ tibbi yardım ardıcıl və fasiləsiz surətdə göstərilir, bununla birlikdə yaralılar mərhələlər üzrə xəstəxanalara köçürülür. Tibbi köçürülmə 3 mərhələdə aparılır:
I mərhələdə: yaralılara yerlərdə ilk tibbi yardım göstərilir, tibb dəstələrinin köməyilə yaxınlıqdakı xəstəxanalara köçürülür.
II mərhələdə: yaralılara və xəstələrə ixtisaslaşdırılmış tibbi yardım göstərilir və müalicə edilir.
III mərhələdə: yaralıların və xəstələrə ixtisaslaşdırılmış tibbi yardım göstərilir və müalicə edilir.
Tibbi köçürülmə mərhələsi- yaralıları, xəstələri qəbul etmək, qruplaşdırmaq, müəyyən növ tibbi yardım göstərmək üçün nəzərdə tutulmuş tibb dəstələrinə deyilir.
Dostları ilə paylaş: |