Sınıqlar və qapalı zədələnmələr. Kəskin hərəkət edərkən, zərbə nəticəsində, hündür yerdən yıxılarkən, avtomobil qəzası və digər qəzalar nəticəsində, zəlzələ zamanı bədənin sümükləri sına bilər. Sınıqlar qapalı və ya açıq olur. Qapalı sınıq halında dəri örtüyünün bütövlüyü pozulmur,açıq sınıq zamanı isə sınıq yerində yara olur. Açıq sınıqlar daha qorxuludur. Sınıqlar zamanı sınmış sümük hissələri öz yerini dəyişən və dəyişməyən növlərə ayrılır.
Sümüklər yalnız iki hissəyə parçalandıqda belə sınığa tək sınıq deyirlər. Sümüklər bir neçə hissəyə parçalandıqda isə onlar mürəkkəb sınıq adlanır.Qəzalar, fəlakətlər, zəlzələ zamanı adamların bir neçə sümüyündən mürəkkəb sınıqlar baş verə bilər. Yanıqlar və radiasiya zədələnmələri ilə birlikdə törəyən sınıqlar daha agır olur. Güllə və ya mərmi qəlpəsinin təsirindən yaranan sınığa güllə sınığı deyilir. Belə sınıqlar sümüklərin iri və ya xırda hissələrə parçalanması,sınıq yerinin ətrafındakı yumşaq toxumaların bir-birinə qarışması və ya ətrafların bir hissəsinin kəsilməsi ilə xarakterizə olunur.
Dostları ilə paylaş: |