Web saytların yaradılması
Web- saytlar bir-birilə əlaqəsi olan və vahid mövzuya həsr olunmuş Web-
səhifələr sistemidir. Hər bir Web-sayt unikal URL ünvanına malik olur.
İnformasiyanın axtarışı və sənədə istinad bu ünvan əsasında həyata keçirilir.
Web-saytlar əsasən HTML, XML2 və XMTL dilləri əsasında yaradılır. Son illər
saytların yaradılmasında həmçinin aşağıdakı müasir Web texnologiyalardan
geniş istifadə edilir:
• JavaScrpit
• VbasicScript
• CGİ (Common Gateway Interface)
• ASP
• PHP
• Macromedia Flash3
• CSS
Müasir Web texnologiyalar saytların funksiyalarını genişləndirir, onlara
dinamizm verir, gözəl tərtibat effektlərinin yaradılmasını, istifadəçi və
informasiya mənbəyi arasında interaktiv əlaqəni təmin edir.
İnternetdə sürətli informasiya mübadiləsini təmin etmək üçün xüsusi Web
qrafika, səs və video formatlarından istifadə olunur. Web qrafika formatı olaraq
Gif, Jpeg, Png, Jpg, səs formatı olaraq Au, Mp-3, Rmx, Rmj, video formatı olaraq
Avi, Мpeg-3,Mov, Swf, Spl və s. formatlarından istifadə olunur. Web qrafika
elementlərini yaratmaq üçün xüsusi dizayn proqramları, məsələn Gif Animator,
3D-Xara, XaraWeb Style və s., bir sıra rəsm redaktorlarının, məsələn, PhotoShop,
Corel Photo Paint və s. xüsusi utilitləri tətbiq olunur.
Müasir dövrümüzdə Kompüter texnologiyalarının istifadəsinə ehtiyac olan
bütün sahələrdə bu texnologiyaların tələblərimizə uyğun fəaliyyətini təmin etmək
üçün istər kompüter sistemlərinin, istərsə də kompüter şəbəkələrinin proqram
təminatları daim inkişafda olmaqla, dövrümüzün tələblərinə uyğunlaşdırılır.
