Azərbaycan respublikasi təhsil nazirliyi baki döVLƏt universiteti bakalavr pilləsi üÇÜN

---

1
AZƏRBAYCAN RESPUBLIKASI TƏHSIL NAZIRLIYI 
 BAKI DÖVLƏT UNIVERSITETI 
 
 
 
BAKALAVR PILLƏSI ÜÇÜN 
P R O Q R A M 
 
 
İXTISAS- Kimya -050504 
FƏNN – Nəzəri elektrokimyanın
əsasları –İPFS-B08 
 
 
 
 
 
 
 
BAKI 2017 

---

2
 
Tərtib edənlər: 
BDU-nun “Fiziki və kolloid kimya” 
kafedrasının müdiri, 
k.e.d.,prof. E.İ.Əhmədov 
BDU-nun “Fiziki və kolloid kimya” 
kafedrasının əməkdaşları, 
k.e.n., dos. Y.İ.Cəfərov 
k.e.n., dos. S.E.Mirzəliyeva 
Elmi redaktor: 
 
dos. Q.M.Bayramov 
 
 
Rəy verənlər:
 
dos. T.O.Qəhrəmanov 
 
 
 
 
dos. F.Ş.Kərimli 
 
 
 

---

3
SƏTH HADİSƏLƏRİ 
Izahat vərəqi 
“Nəzəri elektrokimyanın əsasları” fənni “Kimyaçı” ixtisası alan 
tələbələrə IV kursda 60 saat ( 30 saat mühazirə, 30 saat lab.) 
həcmində tədris edilir. 
Nəzəri elektrokimya fiziki kimyanın bir bölməsi olub, enerjinin 
kimyəvi və elektrik formalarının qarşılıqlı çevrilməsinin ümumi 
qanunauyğunluqlarını öyrənir.
Kursun əsas vəzifəsi elektrokimyanın əsas qanunlarının fiziki 
mahiyyətini dərk etməyi və müxtəlif elmi problemləri həll edərkən 
onların tətbiqinin mümkünlüyünü başa düşməyi tələbələrə 
öyrətməkdir. Bu fənnin öyrənilməsi zamanı qazanılan biliklər 
kimyəvi proseslərin elektrokimyəvi üsulla aparılmasına imkan 
verdiyindən tələbə materiyanın hərəkətinin müxtəlif formaları 
arasında əlaqəni daha yaxşı dərk edir, onlarda elmi dünyagörüşü 
formalaşır. 
Kursun əsas məqsədi elektrokimyəvi proseslərin, elektrolit 
məhlullarının strukturu və onlarda köçürülmə proseslərinin 
mahiyyətini dərk etməyi bacaran; elektrokimyəvi proseslərin 
termodinamikası və kinetikası haqqında müasir nəzəri təsəvvürlərə 
və praktik vərdişlərə malik olan mütəxəssislərin hazırlanmasıdır. 
Fənnin mənimsənilməsi nəticəsində tələbələr
Bilməlidir:
-elektrolit məhlullarının əmələgəlmə və davamlılığının səbəbləri;
-elektrolit məhlulları haqqında nəzəriyyələri;
-elektrolit məhlullarının termodinamikasını;
-elektrolit məhlullarında köçürülmə proseslərini;
-elektrokimyəvi sistemlərdə tarazlıq proseslərini;

---

4
-ikiqat elektrik təbəqəsinin quruluşu və onun elektrokimyəvi 
reaksiyaların kinetikasında rolunu; 
- elektrokimyəvi kinetikanın əsaslarını 
Bacarmalıdır: 
-elektrokimyanın əsas qanunlarını konkret nəzəri və praktik 
məsələlərin həllində tətbiq etməyi; 
-elektrokimyəvi eksperimentlərin planlaşdırılması və 
aparılmasını; 
- elektrokimyəvi eksperimentin nəticələrini analitik, qrafik 
miqdari ifadə etməyi və analiz etməyi; 
-eksperimentin nəticələrini elektrokimyanın qanun və 
qanunauyğunluqlarına əsasən hesablanmış qiymətlərlə müqayisə 
etməyi.