Azərbaycan respublikasinin naziRLƏr kabineti
Yüklə 0,74 Mb.
|
- Bu səhifədəki naviqasiya:
- QOŞMA Anlayışlar
- 16 dekabr 2010-cu il tarixində Banka
- Kredit Sazişinə 1 saylı Əlavə Məktub
- BEYNƏLXALQ YENİDƏNQURMA VƏ İNKİŞAF BANKI
- AZƏRBAYCAN RESPUBLİKASI
- LİM Səviyyəli Nəticə İndikatorları * Əsas Ölçü vahidi
- Məlumatın mənbəyi / Metodologiya Məlumatların toplanması üçün məsuliyyət
- Əsas Sektor İndikatorları
- Məlumatların toplanması üçün məsuliyyət Təsvir (indikatorların tərifi və s.)
- Aralıq Nəticə (Komponent 2): Suvarma və Drenajın Bərpası
- Aralıq Nəticə (Komponent 3): Layihənin İdarə edilməsi
|
2. Əgər Kredit vəsaitləri birinci Əsas Ödəniş Tarixində tamamilə çıxarılmamışdırsa, Borcalan tərəfindən hər bir Əsas Ödəniş Tarixi üzrə qaytarılacaq Kreditin əsas məbləği aşağıdakı kimi təyin edilməlidir:
(a) Əgər birinci Əsas Ödəniş Tarixinə olan müddətdə Kreditdən hər hansı vəsait çıxarılarsa, Borcalan həmin tarixədək çıxarılmış Kredit Qalıq Məbləğini, bu Cədvəlin 1-ci paraqrafına uyğun olaraq geri ödəyəcəkdir. (b) Birinci Əsas Ödəniş Tarixindən sonra çıxarılan istənilən məbləğ bu tarixdən sonra gələn hər bir Əsas Ödəniş Tarixində çıxarılmış hər hansı vəsaitin məbləğini kəsr ədədinə hasil etməklə Bank tərəfindən təyin edilmiş məbləğdə qaytarılacaqdır, kəsrin surət hissəsində sözü gedən Əsas Ödəniş Tarixi üçün (ilkin Növbəti Ödəniləcək Hissə) bu Cədvəlin 1-ci paraqrafında verilən cədvəldə təyin edilmiş ilkin Növbəti Ödəniləcək Hissə məxrəcdə isə Əsas Ödəniş Tarixi üçün ilkin Növbəti Ödəniləcək Hissələrin ümumi qalığı olacaqdır, bu Cədvəlin 4-cü paraqrafında qeyd edilmiş məbləğləri tutmaq məqsədilə, ehtiyac yarandıqda, bu qaytarılan məbləğdə düzəlişlər ediləcəkdir ki, bu zaman Valyuta Konvertasiyası tətbiq ediləcəkdir.
3. (a) Hər hansı Əsas Ödəniş Tarixindən əvvəl iki təqvim ayı ərzində Kredit vəsaitlərindən çıxarılmış məbləğlər, bu Əsas Ödəniş Tarixində ödəniləcək əsas məbləğləri hesablamaq məqsədilə, bu çıxarışdan sonra gələn ikinci Əsas Ödəniş Tarixində çıxarılmış və qalıq məbləğlər kimi hesab ediləcək və çıxarış tarixindən sonra gələn ikinci Əsas Ödəniş Tarixindən başlayaraq hər bir Əsas Ödəniş Tarixində geri ödənilə biləcəkdir. (b) Bu paraqrafın (a) saylı yarım-paraqrafında qeyd olunan müddəalara baxmayaraq, Bank tərəfindən hesab fakturaların müvafiq Ödəniş Tarixində və ya ondan sonra verilməsini tələb edən tarix əsaslı hesab faktura sistemi qəbul edildikdə, bu yarım-paraqrafın müddəaları hər hansı belə hesab-faktura sisteminin qəbulundan sonra edilmiş çıxarışlara tətbiq edilməyəcəkdir.
4. Bu Cədvəlin 1-ci və 2-ci paraqraflarında qeyd olunan müddəalara baxmayaraq, Kreditin çıxarılmış əsas məbləğinin tam və ya hər hansı bir hissəsinin Təsdiq Edilmiş Valyutaya konvertasiyası zamanı Təsdiq Edilmiş Valyutaya konvertasiya edilmiş və Konvertasiya Müddəti ilə üst-üstə düşmüş hər hansı Əsas Ödəniş Tarixində geri ödənilə bilən məbləğ Bank tərəfindən dərhal konvertasiyadan əvvəl öz valyutasında olan bu məbləği (i) Konvertasiyaya aid Valyuta Hec Əməliyyatı altında Bank tərəfindən ödənilə bilən Təsdiq Edilmiş Valyutada əsas məbləğləri əks etdirən mübadilə kursuna; və ya (ii) Bank tərəfindən belə müəyyən edilərsə Konvertasiya haqda Təlimata uyğun olaraq Terminal Dərəcəsinin mübadilə kursu komponentinə hasil etməklə müəyyən ediləcəkdir. 5. Əgər Kredit vəsaitinin İstifadə edilmiş Qalığı birdən çox Kredit Valyutasında olarsa, hər bir belə məbləğ üçün ayrıca ödəniş cədvəlini hazırlamaq məqsədilə bu Cədvəlin müddəaları hər bir Kredit Valyutasında olan məbləğə ayrıca tətbiq ediləcəkdir.
Anlayışlar 1. "Antikorrupsiya Təlimatı" dedikdə 2011-ci ilin yanvar ayında dəyişikliklər edilmiş 15 oktyabr 2006-cı il tarixli "BYİB Kreditləri və BİA Kreditləri və Qrantları hesabına maliyyələşdirilən Layihələrdə saxtakarlıq və korrupsiyanın qarşısının alınması və onlarla mübarizə haqqında Təlimat" nəzərdə tutulur.
2. “Kateqoriya” dedikdə bu Sazişin 2-ci Cədvəlinin IV Bölməsindəki cədvəldə əks olunmuş kateqoriya nəzərdə tutulur. 3. "Məsləhətçilər haqqında Təlimat" dedikdə 2004-cü ilin may ayında dərc olunmuş və 2006-cı ilin oktyabr ayında və 2010-cu ilin may ayında yenidən nəzərdən keçirilmiş "Dünya Bankının Borcalanları tərəfindən məsləhətçilərin seçilməsi və işə qəbulu haqqında Təlimat" nəzərdə tutulur.
4. "ƏMTQ" dedikdə Bank üçün məqbul sayılan və Borcalan tərəfindən hazırlanmış və 16 dekabr 2010-cu il tarixində Banka təqdim edilmiş Layihənin ətraf mühitə təsirinin qiymətləndirilməsi, başqa sözlə, ətraf mühitə hər hansı zərərli təsirin azaldılması və belə qiymətləndirməyə əsaslanan müsbət təsirlərin artırılması üzrə tövsiyələr, ətraf mühitə nəzarət və monitorinq, Layihənin yerinə yetirilməsi üzrə təlimatlar və Bankla əvvəlcədən razılaşma yolu ilə vaxtaşırı dəyişikliklər edilə bilən Ətraf Mühitinin Təsirinin Qiymətləndirilməsi nəzərdə tutulur. 5. “Münasib Sosial Ödənişlər” dedikdə, Borcalanın ölkəsinin vətəndaşları olan fərdi məsləhətçilər və köməkçi heyətlə bağlanacaq əmək müqavilələri üzrə Borcalan tərəfindən işəgötürənin işçilərin sosial ödəmələri üçün müəyyən miqdarda vəsait ayırması nəzərdə tutulur.
6. “Münasib SİB-lər” dedikdə LİT-də qeyd olunan münasiblik meyarları və prosedurlarına uyğun seçilmiş sudan istifadəedənlər birlikləri nəzərdə tutulur. 7. "ƏMİMP" dedikdə ətraf mühitə hər hansı mənfi təsirin azaldılması, ətraf mühitə mənfi və ya arzuolunmaz təsirlərin aradan qaldırılması və ya onları məqbul səviyyəyə qədər azaldılması istiqamətində Layihə dövründə həyata keçiriləcək monitorinq və institusional tədbirlər, və həmçinin, belə tədbirlərin həyata keçirilməsi üçün zəruri fəaliyyətləri müəyyənləşdirən, Borcalan tərəfindən ƏMTQ-yə uyğun hazırlanmış və 16 dekabr 2010-cu il tarixində Banka təqdim edilmiş Bank üçün məqbul Ətraf Mühitin İdarəedilməsi və Monitorinq Planı nəzərdə tutulur.
8. “Maliyyələşdirmə Sazişi” dedikdə Layihə üzrə Borcalan ilə Assosiasiya arasında bağlanan, bu sazişlə eyni tarixdə olan və vaxtaşırı düzəlişlər edilə bilən saziş nəzərdə tutulur. “Maliyyələşdirmə Sazişi”nə onu tamamlayan bütün qoşmalar, cədvəllər və sazişlər daxildir. 9. "Ümumi Şərtlər" dedikdə 31 iyul 2010-cu il tarixli “Beynəlxalq Yenidən Qurma və İnkişaf Bankının Kreditləri üçün Ümumi Şərtlər” nəzərdə tutulur. 10. "Əməliyyat Xərcləri" dedikdə dövlət qulluqçuları istisna olmaqla, köməkçi heyətin maaşları və münasib sosial ödənişləri, ofis ləvazimatı, nəqliyyatın istismarı və saxlanılması, rabitə, bank xərcləri, yerli səfər xərcləri daxil olmaqla, layihənin icrası, idarə edilməsi və monitorinqi ilə birbaşa bağlı olan əsaslandırılmış və zəruri fəaliyyətlər əsasında LİQ, RDM, MDQ və RDQ tərəfindən çəkilən əməliyyat xərcləri nəzərdə tutulur. 11. “LİT” və ya "Layihənin İcra Təlimatı" dedikdə Borcalan və Layihənin İcraçı Qurumu tərəfindən qəbul olunmuş və Bankın məqbul hesab etdiyi təlimat nəzərdə tutulur, başqa sözlə, bu təlimat Layihənin icrası üçün institusional, xərcləmələr, satınalmalar və maliyyə idarəetməsi mexanizmlərini, həmçinin Münasib SİB-lərin seçilməsi üçün münasiblik meyarlarını və prosedurları özündə əks etdirir. Bankın razılığı ilə bu təlimatda və onun bütün əlavələrində vaxtaşırı dəyişikliklər edilə bilər. 12. "LHKQ" dedikdə Layihə İcraçı Qurumunun 2 iyul 1998-ci il tarixli daxili əmri (51E nömrəli) ilə yaradılmış Layihənin Həyata Keçirilməsi üzrə İşçi Qrupu nəzərdə tutulur. 13. "Satınalmalar haqqında Təlimat" dedikdə Bank tərəfindən 2004-cü ilin mayında dərc edilmiş və 2006-cı ilin oktyabrında və 2010-cu ilin mayında düzəlişlər edilmiş "BYİB kreditləri və BİA kreditləri çərçivəsində Satınalmalar haqqında Təlimat" nəzərdə tutulur. 14. "Satınalma Planı" dedikdə Layihənin həyata keçirilməsi üçün Satınalmalar haqqında Təlimatın 1.16-cı bəndində və Məsləhətçilər haqqında Təlimatın 1.24-cü bəndində istinad olunan Borcalanın 11 mart 2011-ci il tarixli satınalma planı nəzərdə tutulur. Bu plan həmin bəndlərə uyğun olaraq mütəmadi olaraq yeniləşdirilir. 15. “Layihə Ərazisi” dedikdə LİT-də qeyd olunmuş münasiblik meyarı və prosedurlarına uyğun seçilmiş və LİT-də göstərilmiş rayonlar nəzərdə tutulur.
16. “Layihənin İcraçı Qurumu” dedikdə Azərbaycan Meliorasiya və Su Təsərrüfatı Açıq Səhmdar Cəmiyyəti nəzərdə tutulur. 17. “Layihənin İcraçı Qurumunu təsis edən normativ aktlar” dedikdə Prezidentin 23 fevral 2006-cı il tarixli 372 nömrəli Fərmanı və Nazirlər Kabinetinin 17 iyun 2006-cı il tarixli 149 nömrəli Qərarı nəzərdə tutulur.
18. “KTP” dedikdə Layihə çərçivəsində Borcalan tərəfindən hazırlanacaq köçürülmə üzrə tədbirlər planı nəzərdə tutulur. Başqa sözlə, bu planda KTP-nın prinsip və məqsədləri, zərərçəkmiş şəxslər üzrə münasiblik meyarları, kompensasiya, yardım və bərpa sənədləri və prosedurları, və həmçinin KSÇ-yə ilə uyğun olaraq monitorinq və hesabatvermə mexanizmləri əks olunmuşdur. 19. “KSÇ” dedikdə Bank üçün məqbul hesab olunan, Borcalan tərəfindən hazırlanmış və 24 dekabr 2010-cu il tarixdə Banka təqdim olunmuş Köçürülmə Siyasəti üzrə Çərçivə sənədi nəzərdə tutulur. Bu çərçivədə layihə üzrə torpaq ayırma, köçkünlərin köçürülməsi və bərpa metodları müəyyən olunur, torpaq ayırma məsələləri ilə əlaqədar siyasətlər, prosedurlar, planlar və tədbirlər (köçürülmə üzrə tədbirlər planı daxil olmaqla) və institusional ölçülər və Layihə müddətində, həmçinin Layihə ilə əlaqədar başqa mərhələlərdə yarana biləcək digər sosial təsirlər təsvir edilir. 20. “Təkrar Saziş” dedikdə bu Sazişin 2-ci Cədvəlinin I.B Bölməsində qeyd olunmuş saziş nəzərdə tutulur. Bu Sazişə müvafiq olaraq, Borcalan Kredit vəsaitləri ilə Layihənin İcraçı Qurumunu təmin edir. 21. "Təlim" dedikdə təlim materialları xərcləri, təlimin keçirilməsi üçün yerin və avadanlığın icarəsi, müəllim və təlim alanların ezamiyyət xərcləri daxil olmaqla mallar və ya xidmət təminatçıları üzrə bağlanan müqavilələrdə əks olunmayan təlim kursları, seminarlar, təlim səfərləri və digər təlimlə bağlı fəaliyyətlər üçün çəkilən xərclər nəzərdə tutulur.
Kredit Sazişinə 1 saylı Əlavə Məktub
AZƏRBAYCAN RESPUBLİKASI
25 oktyabr 2011-ci il
Beynəlxalq Yenidənqurma və İnkişaf Bankı 1818 H Street, N.W. Washington, D.C. 20433 Amerika Birləşmiş Ştatları
Mövzu: Kredit N: 8039-AZ (Sudan İstifadəedənlər Birliklərinin İnkişafına Dəstək Layihəsi) Ümumi Şərtlərin 6-cı Maddəsi Maliyyə və İqtisadi Məlumatlar
Hörmətli Xanımlar və Cənablar,
Azərbaycan Respublikası (Üzv Ölkə) və Beynəlxalq Yenidənqurma və İnkişaf Bankı (Bank) arasında yuxarıda qeyd edilən Layihə üçün krediti (Kredit) təmin edən bu tarixli Kredit Sazişi və Kredit Sazişinə tətbiq oluna bilən Ümumi Şərtlərlə (Ümumi Şərtlər) əlaqədar olaraq, aşağıdakıları müəyyən etmək məqsədilə Üzv Ölkənin adından yazıram: 1. Biz başa düşürük və razılaşırıq ki, Ümumi Şərtlərin 6.01 Bölməsinin məqsədləri üçün, Bank Üzv Ölkədən BHST-na (Borcalanın Hesabatvermə Sistemi Təlimatı) əsasən “uzun-müddətli xarici borc” (Dünya Bankının yanvar 2000-ci il tarixli BHST-da müəyyən edildiyi kimi) hesabatını verməsini və xüsusilə, borcun alındığı rüb qurtardıqdan sonra 30 gündən gec olmayaraq Bankı yeni “kredit öhdəlikləri” (BHST-da müəyyən edildiyi kimi) barəsində və hesabatın əhatə etdiyi ildən sonrakı ilin martın 31-dən gec olmayaraq ildə bir dəfə Bankı “kreditlər üzrə əməliyyatlar” (BHST-da müəyyən edildiyi kimi) barəsində məlumatlandırmasını tələb edir.
2. Biz bəyan edirik ki, Ümumi Şərtlərin 6.02 Bölməsinin (c) paraqrafına əsasən istisna olunanlardan başqa hər hansı Xarici Borc üçün zəmanət kimi (Ümumi Şərtlərdə müəyyən edildiyi kimi) hər hansı Dövlət Aktivləri üzrə (Ümumi Şərtlərdə müəyyən edildiyi kimi) heç bir Girov Hüquqları (Ümumi Şərtlərdə müəyyən edildiyi kimi) mövcud deyildir. Hər hansı xarici dövlət borcu ilə əlaqədar (Ümumi Şərtlərdə müəyyən edildiyi kimi) heç bir defolt mövcud deyildir. Belə başa düşürük ki, Kreditin verilməsində, Bank bu məktubda müəyyən olunan və ya istinad edilən bəyanatlara etibar edə bilər. 3. Xahiş edirik ki, bundan əvvəl qeyd olunanlara razılığınızı Bankın müvafiq səlahiyyətli nümayəndəsinin aşağıda göstərilən boş yerdə imzası ilə təsdiq edəsiniz.
Hörmətlə, AZƏRBAYCAN RESPUBLİKASI
__________________________ Səlahiyyətli Nümayəndə tərəfindən
BEYNƏLXALQ YENİDƏNQURMA VƏ İNKİŞAF BANKI
__________________________ Səlahiyyətli Nümayəndə tərəfindən
AZƏRBAYCAN RESPUBLİKASI
25 oktyabr 2011-ci il
Beynəlxalq Yenidənqurma və İnkişaf Bankı/ Beynəlxalq İnkişaf Assosiasiyası 1818 H Street, N.W. Washington, D.C. 20433 Amerika Birləşmiş Ştatları
Mövzu: Kredit N: 8039-AZ Kredit N: 4913-AZ (Sudan İstifadəedənlər Birliklərinin İnkişafına Dəstək Layihəsi)
Hörmətli Xanımlar və Cənablar,
Bu, Beynəlxalq Yenidənqurma və İnkişaf Bankı (Bank)/Beynəlxalq İnkişaf Assosiasiyası (Assosiasiya) ilə Azərbaycan Respublikası (Borcalan/Resipient) arasında müvafiq olaraq eyni tarixli Kredit Sazişi və Maliyyələşdirmə Sazişinə 2 saylı Cədvəlin II Bölməsinin A paraqrafına istinad edir. Borcalan/Resipient bununla Bank və Assosiasiya üçün təsdiq edir ki, bu məktuba edilən əlavədə müəyyən edilmiş göstəricilər Layihənin gedişatının və məqsədlərinə nail olunmanın monitorinq və qiymətləndirilməsinin həyata keçirilməsi üçün Borcalan/Resipient üçün əsas olacaqdır Hörmətlə,
__________________________ Səlahiyyətli Nümayəndə tərəfindən
Qoşma 3 saylı Əlavə Məktuba Qoşma
Sudan İstifadəedənlər Birliklərinin İnkişafına Dəstək Layihəsi Monitorinq Nəticə Göstəriciləri
Yüklə 0,74 Mb. Dostları ilə paylaş:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||