Tədqiqatın predmeti. Tədqiqatın predmetini müasir dövrdə dövlətlərin qarşıya qoyduğu mühüm məsələlərdən hesab edilən, bazar münasibətlərinin formalaşması ilə iqtisadi siyasətə təsiri artan və keyfiyyətcə yeni məzmun kəsb edən sosial münasibətlər sistemi, sosial sahələrin inkişaf etdirilməsinin vacibliyi, ölkədəki sosial sahələrin vəziyyətinin analizi və əhalinin sosial müdafiəsi sisteminin əsas istiqamətləri təşkil edir.
Tədqiqatın obyekti.Tədqiqatın obyekti Azərbaycan Respublikasının iqtisadiyyatında bu münasibətləri özündə ehtiva edən proseslər və həyata keçirilən sosial fəaliyyət, dövlətin və yerli idarəetmə orqanlarının cəmiyyət üzvlərinə sosial yardımı və sosial müdafiəsi seçilmişdir.
Tədqiqatın nəzəri və metodoloji əsası. Tədqiqatın nəzəri əsasını Azərbaycan Respublikasının müvafiq qanunvericilik aktları və qanunları, ümumi dünyada qəbul edilmiş sosial-iqtisadi münasibətlər anlayışı, bu münasibətlərlə bağlı klassiklərin fikirləri, müasir sosial sahə anlayışı ilə bağlı elmi konsepsiyaları, iqtisadçı alimlərin müddəları təşkil edir.
Tədqiqatın informasiya bazasını Qlobal İnternet şəbəkəsinin məlumat bazası, Azərbaycan Respublikası Dövlət Statistika Komitəsinin, Azərbaycan Respublikası Əmək və Əhalinin Sosial Müdafiəsi Nazirliyinin informasiya resursları əhatə edir.
