Azərbaycan Respublikasının İnzibati Xətalar Məcəlləsi

Maddə 126. İt və pişik saxlama qaydalarının pozulması

Şəhərlərdə və ya digər yaşayış məntəqələrində it, pişik və ya başqa ev heyvanlarının saxlanılması qaydalarının pozulmasına görə—

• 
  beş manatdan iyirmi manatadək miqdarda cərimə edilir. (1, 119)
  

Maddə 127. Qırmızı kitaba daxil olunmuş heyvan və bitki növlərinin qorunması üzrə tələblərin pozulması

Azərbaycan Respublikasının Qırmızı kitabına daxil olunmuş və xüsusi mühafizə olunan bitki və heyvan növlərinin siyahısında olan heyvanların mühafizəsi üzrə tələblərin yerinə yetirilməməsinə görə—

• 
  otuz manatdan altmış manatadək miqdarda cərimə edilir. (1, 119)