Nazir Əbülfəs Qarayev
Azərbaycan Respublikası
Mədəniyyət və Turizm Nazirliyinin
“17” yanvar 2012 tarixli 03 nömrəli
Qərarı ilə təsdiq edilmişdir.
Azərbaycan Respublikasının Mədəniyyət və Turizm Nazirliyi tərəfindən baxılan inzibati xətalar haqqında işlərə dair sənədlər və onların tərtib olunma
QAYDALARI
1. Ümumi müddəalar
1.1. Bu qaydalar Azərbaycan Respublikasının İnzibati Xətalar Məcəlləsinə, “Azərbaycan Respublikasının İnzibati Xətalar Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında Azərbaycan Respublikası Qanununun tətbiqi barədə” Azərbaycan Respublikası Prezidentinin 2000-ci il 29 avqust tarixli 389 nömrəli Fərmanına və “Azərbaycan Respublikası Prezidentinin 2006-cı il 18 aprel tarixli 393 nömrəli Fərmanı ilə təsdiq edilmiş Azərbaycan Respublikasının Mədəniyyət və Turizm Nazirliyi haqqında Əsasnamə”dən irəli gələn vəzifə və funksiyaların həyata keçirilməsini təmin etmək məqsədilə hazırlanmışdır.
1.2. Azərbaycan Respublikasının Mədəniyyət və Turizm Nazirliyi “Azərbaycan Respublikasının İnzibati Xətalar Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında Azərbaycan Respublikası Qanununun tətbiqi barədə” Azərbaycan Respublikası Prezidentinin 2000-ci il 29 avqust tarixli 389 nömrəli Fərmanı ilə müəyyən edilmiş inzibati xətalar haqqında işlərə baxır.
Dostları ilə paylaş: | 
