Tədqiqatın metodları. Tədqiqat həm sinxron, həm də diaxron istiqamətdə araşdırılmışdır. Dissertasiyada qarşıya qoyulan məqsəd və vəzifələrdən asılı olaraq pedaqogika ilə bağlı terminoloji sistemin leksik-semantik xüsusiyyətlərinin tədqiqi prosesində təsviri, müqayisəli, müqayisəli-tarixi metodlardan istifadə edilmişdir.
Müdafiəyə çıxarılan əsas müddəalar.
– Pedaqogika terminləri ayrıca sahə terminologiyasını təşkil edir.
– Pedaqogika terminologiyası müxtəlif sahə terminologiyaları, xüsusən psixologiya sahəsinin terminologiyası ilə sıx əlaqəlidir.
– Pedaqogika terminologiyası sistemi dəyişməyə daha çox məruz qalır.
– Pedaqogika terminologiyasının təşəkkül və formalaşmasında dövrü dilin ümumişlək leksik qatından olan sözlərin terminləşməsi daha məhsuldar olmuşdur.
– Pedaqoji terminologiyanın yaranmasında Azərbaycan maarifçilərinin əsərləri xüsusi rol oynamışdır.
– Azərbaycan pedaqoji terminologiyasında ərəb-fars və Avropa mənşəli alınmalar xüsusi lay təşkil edir.
– Müasir dövrdə Azərbaycan pedaqoji terminologiyasına Avropa mənbəli terminlər daha çox daxil olur.
Dostları ilə paylaş: | 
