Azərbaycan şifahi xalq ədəbiyyatına

Səbinə İSAYEVA

AMEA Folklor İnstitutu,

Filologiya üzrə fəlsəfə doktoru

[e-mail]
“ƏSLİ-KƏRƏM” DASTANINDA TƏSƏVVÜF ELEMENTLƏRİ
Xülasə

Azərbaycan məhəbbət dastanları təsəvvüf elementləri, sufi simvolları ilə kifayət qədər zəngindir. Bu baxımdan, türk dünyasında geniş yayılmış “Əsli-Kə­rəm” dastanını da qeyd etmək olar. İstər dastanın süjetində, istərsə də dastan poe­ziyasında tə­səvvüfdən gəlmə elementlər çoxluq təşkil edir. “Əsli-Kərəm” das­ta­nındakı eşq motivi, haqq aşiqliyi, qəriblik, dünyanın gəlib getmə məkanına bən­zəməsi mo­ti­vi, həmçinin abdal, ərənlər poetik obrazları təsəvvüfdən gəlmə motiv və ob­raz­lardır. Bütün bunlar dastandan verilmiş nümunələr əsasında ətraflı təhlilə cəlb olun­muşdur.

Açar sözlər: “Əsli-Kərəm” dastanı, təsəvvüf elementi, simvol, eşq, haqq aşiqi, motiv, obraz