Azərbaycan

Azərbaycan Banklar Assosiasiyası

Hüquqi məsələlər üzrə

Ekspert Qrupunun 2016-cı il üzrə
İş PLANI

1. 
   Bank sistemində hüquq fəaliyyətinə dair standartların hazırlanması üzrə iş;
   

2. 
   Lobbiçilik fəaliyyətinin gücləndirilməsi, mətbuatda müvafiq məqalələrlə çıxış edilməsi;
   

3. 
   Bəzi qanunvercilik aktları və normativ qaydaların yeni tələblərə uyğunlaşdırılması istiqamətində işlərin aparılması. Məsələn:
   

- İpoteka və İcra haqqında Qanun;

- Banklar haqqında AR Qanunu;

- Valyuta Tənzimi haqqında Qanun;

- Banklarda kreditlərin verilməsi Qaydaları;

- Azərbaycan Respublikasında rezident və qeyri-rezidentlərin valyuta əməliyyatlarının rejimi haqqında Qaydalar;

- Banklarda hesabların açılması, aparılması və bağlanması qaydaları;

- Banklarda korporativ idarəetmə standartları;

- Banklara aidiyyatı olan şəxslərlə əməliyyatların aparılması qaydaları;

- Azərbaycan Respublikasında fəaliyyət göstərən kredit təşkilatlarında mühasibat uçotunun aparılması qaydaları;

- Bank inzibatçılarının Mərkəzi Bankda attestasiyadan keçməsi qaydaları;

- Bank inzibatçılarının vəzifədən azad edilməsi barədə sanksiyanın tətbiqinə dair qaydalar.

4. 
   Nağdsız hesablaşmalar və pul köçürmələri barədə Mərkəzi Bankın Qaydalarının nəzərdən keçirilməsi;
   

5. 
   Mülki Məcəlləyə kredit münasibətlərini tənizmləyən dəqiq və əhatəli fəslin daxil edilməsi ilə bağlı layihənin hazırlanması (və ya mövcud layihənin yenidən nəzərdən keçirilməsi) (Bunun olmaması təfsirlərə səbəb olur);
   

6. 
   İcra qeydi ilə bağlı problemlərin həlli yollarının müzakirəsi;
   

7. 
   Əmr icraatı sahəsində problemlərin həlli yollarının müzakirəsi. (Notariusun icra qeydi praktikasnın tətbiq olunmaması);
   
8. 
   Məhkəmə qərarını icra etməməyə, kreditdən təyinatna uyğun istifadə etməməyə görə məsuliyyətlərin müəyyən edilməsinin müzakirəsi;
   

9. 
   Hərraclarla bağlı problemlərin həlli yollarının müzakirəsi;
   

10. 
    Mülki Məcəllənin 965-ci maddəsinin təhlili və ödənişlərin ardıcıllığınln yenidən nəzərdən keçirilməsi;
    

11. 
    Bankların ödənilməmiş borcları müqabilində balansına alınmış əmlaklar üçün yaradılmış 100% ehtiyatların gəlirdən çıxılıb-çıxılmaması ilə bağlı Veriglər Nazirliyi ilə meydana gələn mübahisənin müzakirəsi;
    

12. 
    İpoteka müqaviləsinin etibarsız hesab edilməsi hallarının müzakirəsi və müvafiq tədbirlərin görülməsi;
    

13. 
    Bank sahəsində hüquqşünas işləmək üçün peşə satandartlarının hazırlanması;
    

14. 
    Bank qanunvericiliyinin problemləri və perspektivləri mövzularında konfrans və seminarların keçirilməsi;
    

15. 
    Əmək mübahisələri ilə bağlı vahid təcrübənin hazırlanması;
    

16. 
    Məhkəmə qərarının tam və ya hissəvi icrasının müəyyən edilməsi, ölkədən giriş-çixiş hüquqların məhdudlaşdırılması və inzibati məsuliyyətə cəlb olunmanın sadələşdirilməsi istiqamətində təkliflərin hazırlanması;
    

17. 
    Bank balansına götürülmüş əmlakların gələcəkdə realizəsi zamanı onların vergi öhdəliyi yaradılması və ödəniləcək verginin (18%) yenidən baxılması üçün təkliflərin verilməsi;
    

18. 
    Məhkəmə mübahisələrində Bank iddiaları üzrə prosedurun sadələşdirilməsi üçün təkliflərin verilməsi;
    

19. 
    İcra mərhələsində icra məmurlarına (dövlət büdcəsinə) ödəniləcək məbləğın yalnız borcludan tutulması ilə bağlı təcrübənin yaradılması;
    

20. 
    Azərbaycan Respublikası ilə digər dövlətlər arasında ikiqat vergitutmanın aradan qaldırılması institutunun təkmilləşdirilməsi məsələsi.
    

21. 
    “Aktivlərin təsnifləşdirilməsi və mümkün zərərlərin ödənilməsi üçün xüsusi ehtiyatların yaradılması Qaydaları”nın 11-ci bəndinin Vergilər Nazirliyi ilə meydana gələn mübahisəylə əlaqədar müzakirəsi;
    

22. 
    Bank tərəfindən güzəştli şərtlərlə (bəzi hallarda 0% ) komisyon haqqının tətbiq edilməsinin  Azərbaycan Respublikası qanunvericiliyi ilə hər hansı ziddiyyət təşkil edib etməməsinin Vergilər Nazirliyi ilə yaranan  mübahisəylə əlaqədar müzakirəsi.
    

23. 
    Qiymətli kağızlarla əməliyyatlar zamanı ödənilən xidmət haqlarına ƏDV-nin şamil olunmamasının müzakirəsi.