Azərbaycan

TEMA 17. BÜLBÜLÜN NAĞILI

(Azərbaycan xalq nağılı)
Günlərin bir günü tacir meşədən keçirdi. O, bülbülün şirin nəğməsini eşidib ayaq saxladı. Bülbül alçaq bir kolun üstünə qonub cəh-cəh vururdu. Tacir onu tutdu, evə gətirib gözəl qəfəsə saldı. Qəfəsi qızıl-gümüşlə bəzədi. Bülbülə qulluq etmək üçün adam da saxladı.

Tacirin gül-çiçəkli bağçası var idi. Bağçanın ortasında çarhovuz var idi. Çarhovuzun ortasında fəvvarə ucalırdı.

Tacir qəfəsi çarhovuzun yanında asdı.

Bülbül həmişə yanıqlı mahnılar oxuyurdu, ah-nalə çəkirdi. Tacir çox təəcübləndi. O, quş dili bilən bir adam gətirdi. Quş dili bilən dedi:

• 
  Tacir ağa, bülbül deyir: “Mənim əziz vətənim, yurdum! Kaş azad olaydım.
  

Mən aşıqəm dilən gəz,

Bağda gülü dilən gəz.

Qürbətdə xan olunca,

Vətənində dilən gəz”.
Təcir bunu eşidib, bülbülü açıb buraxdı. Azadlığa çıxmış bülbül o gündən yenə də əvvəlki kimi cəh-cəh vurur, şən nəğmələr oxuyur.

Tacir düşünür: “Azadlıq hər şeydən qiymətlidir”.

Lüğət

tacir – купец

qəfəs – клетке

çarhovuz – бассейн

cəh-cəh vurmaq – издавать трели

Tapşırıq 113. Mətni oxuyun və tərcümə edin.

Tapşırıq 114. Suallara cavab verin

- Tacir meşədən evə nə gətirdi?

- O bülbüıü harada saxlayır?

- Bülbül nə üçün əvvəlki kimi oxumur?

- Quş dili bilən nə deyir?

- Tacir nə edir?

- O nə düşünür?

- Dünyada ən gözəl şey nədir?

Tapşırıq 115. Sözləri düzgün tələffüz edin və cümlələrdə işlədin.

Tacir, çarhovuz, qəfəs, qəmlənmək, gül-çiçək, aşiq, sevgi, cəh-cəh vurmaq.