Azərbaycan
ТЕМА 38. İSMAYIL BƏY QUTQAŞINLI. RƏSİD BƏY VƏ SƏADƏT XANIM
Yüklə 1,2 Mb.
|
ТЕМА 38. İSMAYIL BƏY QUTQAŞINLI. RƏSİD BƏY VƏ SƏADƏT XANIM( povestdən parça) May ayının gözəl bir günü idi. Bütün təbiətin canlandığı və bəzəndiyi bir zamanda Azərbaycan bəylərindən birinin Səadət adında yeganə bir qızı sübh vaxtı günəş şərqdən doğmağa başlarkən kiçik, ancaq gözəl bir evdən çıxıb xoş bir hava ilə oxşanmaq, çiçəklərin nəşə verən ətrini qoxulamaq və quşların nəvazişli nəğmələrini dinləməkçün səfalı bir bağa girdi. Qız bağa girər-girməz bütün təbiət sanki başqalaşdı. Göyün üzü daha da gözəlləşdi. Şad və fərəhli quşlar ağaclardan onun ayaqlarına töküldülər, hava lətif ətirlə doldu – sanki bütün təbiət özünü ona bəyəndirmək istəyirdi. Belə gözəl bir vücuda özünü bəyəndirməyi kim istəməz?! Gözəl Səadət bir qədər bağda gəzdikdən sonra bir böyük şabalıd ağacının dibində çəmənlikdə əyələşdi. O, indi düşüncə dənizinə dalaraq özü də səbəbini bilmədən tez-tez ah çəkirdi. Onun həyatında sanki heç bir çatışmayam cəhət yoxdu. Gözəl Səadət bir sivgili arzusundaydı. Sevgisiz həyat bədbəxtlik və qəm-qüssədir. Qızın sığındığı bu romantik bucaq ona o qədər xoşdu ki, səhərlər həmin bağa gələib ətirli qızılgüllərdən hörülmüş köşkün yanında, ortasında fəvvarə çağlayan bir hovuzun kənarında oturardı. Qızın sığındığı bu romantik bucaq ona o qədər xoşdu ki, səhərlər həmin bağa gəlib ətirli qızılgüllərdən hörülmüş köşkün yanında, ortasında fəvvarə çağlayan bir hovuzun kənarında oturardı. Bir gün dərin xəyallara dalan qızın qulağına həzin bir səs gəldi: “Ah! Mən sevgimi gizli saxlamaqçün nələr etməzdim?! Ocaq üstündə qaynayan bir qab su mənim ürəyim qədər qaynar ola bilməz”. Bu sözləri eşitdikdə nazənin Səadət əyləşdiyi yerdən çəkilib getmək istədi. Ancaq bu təsirli sözləri oxuyann şəxsi görməkçün hürkək baxışlarla ətrafa baxdı; heç kəsi görə bilmədikdə bu səsin sehrli olduğunu düşündü. Ancaq “sevgi” kəlməsi onun könlünü həyəcana gətirdi və bütün duyuğuları alovandırdı. Bu vaxt Səadətin mehriban dayəsi Şamah uzaqdan Səadəti rəngi qaçmış və iztirab içində götürüb cəld onun yanına gəldi və onu qucaqlayıb öpərək həyəcanının səbəbini soruşdu. Səadət əli ilə güllərin solmuş yarpaqlarına və ağacdan tökülüb yerdə çürümüş meyvələrə işarə edərək dedi: - Mənim də taleyim belədir! Bu sözlər görüb-götürmüş qadına gənc qızın həyəcanının səbəbini anlatdı. Vəfalı Şamah qızı gecikmədən evə aparmaq istədi, ancaq bağın qapısına yaxınlaşdıqda yenə həmin səs eşidildi: “Sən mənim gözümdən uzaqlaşmaq istəyirsən, Ancaq mənim qəlbimdən uzaqlaşa bilməzsən!”. Hər ikisi heyrətlə yerində dayanıb ətrafa boylandı, ancaq kimsəni görmədi. Bağdan çıxıb onun qapısını bağladılar. Nəhayət, evə yetişdilər. Evdə Səadətin anası Tutu xanım onları gözləyirdi. Lüğət
oxşanmaq быть приласканным nəvaziş ласка qoxulamaq нюхать düşüncə dənizinə dalmaq погрузиться в море мыслей sığınmaq приютиться görüb-götürmüş опытный, познавший жизнь heyrət удивление
Tapşırıq 195. Suallara cavab verin 1.Hadisə ilin hansı vaxtında baç verir? 2. Səadət nə üçün bağa girdi? 3. Səadət hansı sözləri eşitdi? 4. Səadət özünü nə ilə müqayisə etdi? Yüklə 1,2 Mb. Dostları ilə paylaş:
|