QARA MATRİSA (black matrix) – Yüksək parlaqlıqlı təsvir və rəngləri daha yaxşı əks etdirən kineskopların istehsalı texnologiyası.
QARANLIQDAN» PEYDA OLMA (exposure development shot) – Ekspozisiyanın normal səviyyəyədək tədricən böyüdülməsi yolu ilə yerinə yetirilən kinoçəkiliş üsulu. Bundan sonra kinoçəkiliş (dayanmadan) adi qaydada davam etdirilir.
QAVRAYIŞ (perseption) – Maddi aləmin hiss üzvlərinə bilavasitə təsir edən ayrı-ayrı cisim və hadisələrinin beyində inikasından ibarət olan psixi proses. Duyğular əsasında əmələ gələn Q. zamanı maddi cisim və hadisələr, müəyyən əlaqə və münasibətdə malik olduqları xassə və keyfiyyətləri ilə birlikdə şüurumuzda bütöv, tam əks olunur.
QAYƏ (aim) – Gələcək əsərin məzmunu və forması haqqında ssenarist və rejissorun təxəyyülündə yaranan və müəyyən ideyaya malik olan ümumi təsəvvür.
