MANİPULYASİYA (manipulation) – 1) Aldatmaq, ictimai fikri çaşdırmaq, fırıldaq, hiylə, çirkin məqsədlərə nail olmaq üçün verilişlərdə, xüsusən informasiya proqramlarında faktları qəsdən təhrif etmə; 2) Teleqraf siqnallarının verilməsində iş prosesinin radioverici vasitəsilə idarə olunması.
MARAQLARIN TOQQUŞMASI (collision/clash of interests) – TV və radioda (eləcə də mətbuatda, həmçinin hökumət orqanlarında) məsul vəzifə tutan, yaxud yüksək etimad göstərilən jurnalistin şəxsi maraqları ilə rəsmi vəzifəsinin tələb etdiyi maraqlar arasında ziddiyyət.
