İşin elmi nəticəsi. Milli mədəniyyətimizin öyrənilməsində mərasim folklorunun mühüm yeri vardır. Xalq mədəniyyətinin daşıyıcısı kimi mərasim folkloru həmişə təbliğ olunmalıdır. Bu işdə tədrisin xüsusi əhəmiyyəti vardır. Gənclərin milli ruhda yetişməsində mərasim folkloru, onun malik olduğu milli nəğmələr böyük rol oynayır. Bu işdə elmi biliklə metodik təcrübənin birləşdirilməsi aktuallıq qazanır. Elmi biliyin metodikaya tətbiqi çox əhəmiyyətlidir.
İşin elmi yeniliyi. Məqalədə mərasim folklorunun tədrisi ilə bağlı metodik pinsiplər ilk dəfə tərəfimizdən hazırlanmışdır. Eləcə də nəğmə strukturunun keçdiyi inkişaf xətti izlənilərək onun ritual, mərasim və bayram mərhələlərindən keçərək sabitləşməsi göstərilmişdir.
