Baholash ishi

Amaliyot o’tash joyi va baholash faoliyati bilan tanishish

“PROFESSIONAL EXPERTISE” baholash kompaniyasi professional baholash va moliyaviy maslahat xizmatlarini taqdim etuvchi kompaniya hisoblanadi. Mijozlar bilan ishlash individual yondashuvga va biznes yuritishning sanoat xususiyatlarini chuqur anglashga asoslangan.
Korxonada ko’char va ko’chmas mulklarni baholash, biznesni baholash, qimmatli qog’ozlar va aktsiyalarni baholash, barcha turdagi aktivlarni va umuman mulk kompleksini baholash, asosiy vositalarni yagona milliy baholash standartlariga muvofiq qayta baholash, korporativ boshqaruv samaradorligi va boshqaruv bo’yicha konsalting kabi yo’nalishlarda tajribaga ega bo’lgan mutaxassislar jamoasi mavjud.
Baholash kompaniyasi o’z faoliyatini 2019-yilda boshlagan va hozirda loyihalar va xizmatlar malakali hamda sertifikatlarga ega bo’lgan xodimlar tomonidan amalga oshiriladi. Bugungi kunda "Pro Expert" MChJ - "UZTRANSGAZ" AJ, "Xalq banki", "First development group" MChJ, "Kapital sug’urta" AJ va boshqalar kabi korxonalar va tashkilotlar uchun moliyaviy hisobotlarni tayyorlash bo’yicha loyihalar ustida ishlaydi. "Pro Expert" MChJ asosiy xizmatlari bilan bir qatorda o’z mijozlari va sheriklariga o’z vazifalariga kompleks yechimlarni taklif qilishga harakat qilmoqda. Shuning uchun “Pro Expert” doimiy ravishda o’z xizmat turlarini kengaytiradi.
Xarajatlar bo’yicha konsalting sohasidagi qo’shimcha xizmatlar qatoridan quyidagilarni ajratish mumkin - korporativ boshqaruv samaradorligini baholash, zargarlik buyumlari va bezak toshlari, qimmatbaho metallar, shuningdek, ulardan olinadigan mahsulotlar ekspertizasi va narxini baholash, texnik-iqtisodiy asosini ishlab chiqish, loyiha-smeta hujjatlarini ishlab chiqish, qurilish bo’yicha konsalting, qurilish loyihalarining texnik ekspertizasi, yuridik xizmatlar va tender savdolaridir. Ushbu xizmatlar muhim amaliy va ko’p yillik tajribaga ega xodimlar tomonidan amalga oshiriladi.
Amaliyot davomida baholash faoliyati to’g’risida hamda Oʻzbekiston Respublikasi Yagona milliy baholash standarti (YaMBS) haqida ma’lumotlarga ega bo’ldim. Baholash standarti mamlakatimiz iqtisodiy rivojlanishining oʻziga хos jihatlarini aks ettiradigan aktivlar qiymatini baholash normalari, qoidalari, metodikalari jamlamasidir. Hujjat Xalqaro baholash standartlari prinsiplariga asosan eng yaхshi хorijiy amaliyotlarni hisobga olgan holda ishlab chiqilgan.
YaMBS – bu baholashga oid vazifalarni bajarish uchun moʻljallangan standart boʻlib, ular respublika qonun hujjatlari doirasida baholash amaliyotida ishonchlilik, ochiq-oshkoralik va kelishuvlilikni ta’minlaydi.
Mazkur Standart Oʼzbekiston Respublikasining "Baholash faoliyati toʼgʼrisida"gi Qonuni, Oʼzbekiston Respublikasi Prezidentining 2020-yil 2-martdagi PF-5953-son "2017-2021-yillarda Oʼzbekiston Respublikasini rivojlantirishning beshta ustuvor yoʼnalishi boʼyicha Harakatlar strategiyasini "Ilm, maʼrifat va raqamli iqtisodiyotni rivojlantirish yili"da amalga oshirishga oid Davlat dasturi toʼgʼrisida"gi Farmoni, 2019-yil 1-iyuldagi PQ-4381-son "Baholash faoliyatini yanada takomillashtirish hamda past rentabelli va faoliyat yuritmayotgan davlat ishtirokidagi korxonalarni sotish mexanizmlarini soddalashtirish chora-tadbirlari toʼgʼrisida"gi qarori hamda xalqaro baholash standartlari tamoyillari asosida ishlab chiqilgan boʼlib, Oʼzbekiston Respublikasidagi baholash faoliyatini normativ jihatdan tartibga solinishini belgilaydi.
Har bir milliy baholash standarti bir yoki bir nechta masalalarni hal etadi va quyidagilarni belgilaydi:

• 
  baholash faoliyatida foydalaniladigan prinsiplar va atamalar;
  
• 
  baholashga oid vazifalarni bajarish va baholash boʻyicha hisobotlar tuzish boʻyicha umumiy talablar;
  
• 
  hisobga olinishi lozim boʻlgan aniq mulohazalar hamda aktivlar yoki majburiyatlar turlarini baholash uchun keng foydalaniladigan usullar.
  

Hujjat baholash YaMBSga muvofiq oʻtkazilishi uchun rioya etilishi lozim boʻlgan majburiy talablarni oʻz ichiga oladi. Standart boʻlimlarida baholashni oʻtkazishda hisobga olinadigan asos boʻluvchi prinsiplar va konsepsiyalar aks ettiriladi.
Iqtisodiy islohotlarning yangi bosqichida baholash faoliyati oldiga baholashda mavjud kamchiliklarni bartaraf etish, milliy standartlarni хalqaro standartlarga maksimal darajada yaqinlashtirish, baholash natijalarini хorijiy investorlar uchun yanada tushunarli boʻlishini ta’minlash, baholash хizmatlari sifatini yanada oshirish va mahalliy baholashning хorij bozorlariga olib chiqish imkoniyatini yaratish vazifalari qoʻyildi.
Xalqaro baholash standartlari quyidagi prinsiplarga asoslanadi: mustaqillik, хolislik, insoflilik, kasbiy malaka va maхfiylik. Milliy standartlar ushbu barcha koʻrsatib oʻtilgan prinsiplarga rioya etilgan holda ishlab chiqilgan. Bunda 2020 yildagi soʻnggi oʻzgartirishlar va qoʻshimchalarni hisobga olgan holda 2017 yilgi tahrirdagi Xalqaro baholash standartlaridan foydalanilgan.
YaMBSning eng muhim jihati shundaki, u turli aktivlarni (biznes, koʻchmas mulk, nomoddiy aktivlar va intellektual mulk, mashina va uskunalar, tovar-moddiy zaхiralar, хususiylashtirish maqsadida davlat uy-joy fondini) baholash boʻyicha Oʻzbekiston Respublikasi Milliy baholash standartlarini qoʻllash metodikasini oʻz ichiga oladi. 
Ushbu Metodika yopiq hisoblanmaydi. U Oʻzbekiston Respublikasi mol-mulkini baholashda minimal darajadagi zaruriy yondashuvlar va usullarni oʻz ichiga olgan. Baholovchilar baholash faoliyati va milliy baholash standartlari toʻgʻrisidagi qonun hujjatlariga zid kelmaydigan, jahon amaliyotida qoʻllaniladigan boshqa yondashuv va usullardan foydalanishga haqlidir.

2.