Daşqınlarla mübarizənin təşkili. Daşqınla mübarizəyə uzunmüddətli planlar üzrə həyata keçirilən tədbirlər (qoruyucu bəndlər tikilməsi, arxlar, kanallar çəkilməsi, dəryaçalar salınması və s.) və hər il hazırlanan və daşqın təhlükəsi olanda həyata keçirilən mövsüm xarakterli tədbirlər daxildir. Daşqın təhlükəsi yarananda əhalinin mühafizəsi işinə mülki müdafiə qüvvələri və vasitələrinin cəlb edilməsi, habelə daşqın vaxtı xilasetmə və daşqın-bərpa işlərində bunlardan istifadə olunması qaydası mülki müdafiənin müvafiq planlarında nəzərdə tutulur; bu planlarda aşağıdakılar göstərilir:
- daha tez-tez təkrar olunan daşqınların növləri və qısa xarakteristikası,onların ehtimal olunan miqyası;
-daşqın təhlükəsi yarandıqda görüləcək işlər, bu işləri görmək üçün lazım olan qüvvə və vasitələr;
- daşqınlarla mübarizə tədbirləri yerinə yetirilərkən rabitə və idarəetmənin təşkili;
-xilasetmə və təcili qəza-bərpa işləri aparmaq üçün cəlb olunan qüvvə və vasitələrin təşkil edilməsi.
Qeyd etmək lazımdır ki, daşqın təhlükəsinin qabaqcadan xəbər verilməsi (proqnozu) ehtimal olunan ziyanı xeyli azaltmaq, habelə su basmış ərazilərdə xilasetmə və təcili qəza-bərpa işlərinə əlverişli şərait yaratmaq üçün vaxtında kompleks tədbirlər görməyə imkan verir.
Yuxarıda adları qeyd olunan bir neçə tip təbii xarakterli fövqəladə hallara nəzər saldıqda aydın olur ki, heç birimiz bu cür hallardan siğortalanmamışıq.Lakin, onlarla mübarizə aparmaq imkanına malikik. Hər birimiz üzərimizə düşən bu məsuluyyəti dərk etməli, bu və digər xarakterli fövqəladə hallarla mübarizəyə hazır olmalıyıq.
