Barkamol avlodni milliy itiqlol g`poyasi va mafkurasi ruhida tarbiyalash

Xulosa

Bugun mamlakatimizda olib borilayotgan bunyodkorliklar, ijtimoiy iqtisodiy sohalardagi islohotlar, ma’naviy-ma’rifiy tizimdagi yangilanishlarning zamirida hayotimizning asl mazmuni — farzandlarimizning barkamol turmush tarzini yaratishdek maqsad mujassam. Aytish mumkinki, 2010 yilning yurtimizda "Barkamol avlod yili" deb e’lon qilinishi, tom ma’noda, yurtimizda amalga oshirilayotgan ijtimoiy-iqtisodiy siyosatimizning mantiqiy davomi bo’ldi. Negaki, barcha sa’y-harakatlarimizning negizida farzandlarimizni ham jismoniy, ham ma’naviy jihatdan sog’lom qilib o’stirish, ularning baxtu saodati, farovon kelajagini ko’rish, dunyoda hech kimdan kam bo’lmaydigan avlodni tarbiyalash orzusi turadi. Kirib kelayotgan yangi yilning mamlakatning kelajagi va umidi bo’lmish yosh avlodning barkamolligi yo’lidagi xayrli ishlarga bag’ishlanishi, bir tomondan, yoshlar uchun yaratilayotgan shart-sharoit va imkoniyatlarning ko’lamini yanada kengaytirsa, ikkinchi tomondan, biz, ustozlar uchun o’z faoliyatimiz davomida yanada samarali va mas’uliyatli mehnat qilish zaruratini taqazo etadi.
—Barkamol avlod yili” Davlat dasturi, o’z navbatida, navqiron avlodga har tomonlama g’amxo’rlik ko’rsatish borasida amalga oshirilayotgan tom ma’nodagi tarixiy ishlarimizni davom ettirish va yangi poonaga ko’tarishga qaratilgan. Ushbu Dasturning maqsadi mamlakatimizda sog’lom va barkamol avlodni tarbiyalash, yoshlarning o’z ijodiy va intellektual salohiyatini ro’yobga chiqarish, yurtimiz yigit-qizlarini XXI asr talablariga to’liq javob beradigan har tomonlama rivojlangan shaxslar etib voyaga yetkazish uchun zarur shart-sharoitlar va imkoniyatlarni yaratishdir. —Barkamol avlod yili” Davlat dasturida aks etgan maqsad va vazifalar zamirida yagona g’oya mujassam. Bu g’oya, Prezidentimiz ta’biri bilan aytganda, sog’lom zurriyot, ya’ni jismoniy va ma’naviy yetuk avlodning shakllanishi, imkoniyatlarni ro’yobga chiqarishi uchun zarur bo’lgan tizimni yaratish, yoshlarimizning huquq va manfaatlarini himoyalash, ularning zamonaviy bilim va kasbga ega bo’lishini, jamiyatimiz hayotida munosib o’rin egallashini ta’minlashdan iborat. YUrtboshimiz O’zbekiston Respublikasi Mustaqilligining 20 yilligi va Konstitutsiyasi qabul qilinganining 19 yilligiga bag’ishlangan tantanali marosimda 2012 yilni “Mustahkam oila yili” deb atashni taklif etdilar. Bu dasturlarning barchasida yoshlar va barkamol avlod masalalariga, ularni milliy g’oya ruhida tarbiyalashga alohida e’tibor qaratildi. Barkamol avlod - jamiyat taraqqiyotining asosidir. SHu bois, yurtimizda mustaqillikning ilk yillaridanoq ham jismoniy, ham ma’naviy barkamol avlodni tarbiyalash davlat siyosati darajasiga ko’tarildi. YUrtboshimiz ta’kidlaganidek, sog’lom avlod deganda, avvalo, sog’lom nasl, jismonan baquvvat, iymon-e’tiqodi butun, bilimli, ma’naviyati yuksak, mard va jasur, vatanparvar avlod tushuniladi.