Baş Dövlət Yol Polisi İdarəsinin tarifləri

Azərbaycan Respublikasının Daxili İşlər Nazirliyinin Baş Dövlət Yol Polisi İdarəsinin nəzdində fəaliyyət göstərən duracaqlara nəqliyyat vasitələrinin təxliyyə avtomobilləri vasitəsilə gətirilməsi və orada mühafizə olunaraq saxlanılması xidmətlərinin tarifləri barədə

QƏRAR № 8

Azərbaycan Respublikası Prezidentinin «Azərbaycan Respublikasının Tarif (qiymət) Şurası haqqında Əsasnamə»nin təsdiq edilməsi barədə» 2005-ci il 26 dekabr tarixli 341 nömrəli Fərmanına, Azərbaycan Respublikası Nazirlər Kabinetinin 2005-ci il 30 dekabr tarixli 247 nömrəli qərarı ilə təsdiq edilmiş «Dövlət tənzimlənməsi tətbiq olunan tariflərin (qiymətlərin) formalaşması və tətbiqi üzərində dövlət nəzarətinin təşkil edilməsi Qaydaları»na və Azərbaycan Respublikasının Tarif (qiymət) Şurasının 2006-cı il 12 aprel tarixli iclasının QƏRARINA ƏSASƏN:

1. Azərbaycan Respublikasının Daxili İşlər Nazirliyinin Baş Dövlət Yol Polisi İdarəsinin nəzdində fəaliyyət göstərən duracaqlara nəqliyyat vasitələrinin təxliyyə avtomobilləri vasitəsilə gətirilməsi və orada mühafizə olunaraq saxlanılması xidmətlərinin aşağıda göstərilən tarifləri təsdiq edilsin.

№-si	Xidmətlərin adı	Ölçü vahidi	Tariflər (ƏDV ilə manatla)
1.	Nəqliyyat vasitələrinin təxliyyə avtomobilləri vasitəsilə duracaqlara gətirilməsi	1 ədəd/reys	20,0
2.	Nəqliyyat vasitələrinin duracaqlarda saxlanılması	1 ədəd/gün	0,30

2. Təsdiq olunmuş tariflər 2006-cı il 01 may tarixindən qüvvəyə minir və bu xidmətlərə dair əvvəllər qəbul olunmuş tariflər qüvvədən düşmüş hesab edilir.


Azərbaycan Respublikasının
Tarif (qiymət) Şurasının sədri H.Babayev

2006-cı il, 12 aprel.

Azərbaycan Respublikası Daxili İşlər Nazirliyinin Baş Dövlət Yol Polisi İdarəsi tərəfindən hüquqi və fiziki şəxslərə göstərilən xidmətlərin tarifləri
Q Ə R A R  № 5
Azərbaycan Respublikası Prezidentinin “Azərbaycan Respublikasının Tarif (qiymət) Şurası haqqında Əsasnamə”nin təsdiq edilməsi barədə” 2005-ci il 26 dekabr tarixli 341 nömrəli Fərmanına, Azərbaycan Respublikası Nazirlər Kabinetinin 2005-ci il 30 dekabr tarixli 247 nömrəli qərarı ilə təsdiq edilmiş “Dövlət tənzimlənməsi tətbiq olunan tariflərin (qiymətlərin) formalaşması və tətbiqi üzərində dövlət nəzarətinin təşkil edilməsi Qaydaları”na və Azərbaycan Respublikası Tarif (qiymət) Şurasının 2007-ci il 06 yanvar tarixli iclasının protokoluna əsasən QƏRARA ALIR:
1. Azərbaycan Respublikasının Daxili İşlər Nazirliyinin Baş Dövlət Yol Polisi İdarəsinin aşağıda göstərilən xidmətlərinin tarifləri təsdiq edilsin.

Sıra №-si	Xidmətlərin adı	Tariflər (ƏDV ilə) manatla
1.	Qeyri-standart, iri qabaritli yük, partlayıcı və radioaktiv maddələr daşıyan nəqliyyat vasitələrinin Baş Dövlət Yol Polisi İdarəsinin patrul xidməti avtomobilləri ilə müşayiət edilməsi:
	Hərəkət sürəti (km/saat)	Manat/km
		BMW		VW-PASSAT
		Horizontal	Yoxuşlu	Horizontal	Yoxuşlu
1.1.	50-yə qədər olduqda	1,11	1,15	0,75	0,77
1.2.	50-dən 70-ə qədər	1,81	1,89	1,22	1,26
1.3.	70-dən 90-a qədər	2,24	2,32	1,42	1,56
1.4.	90-dan yuxarı olduqda	2,45	2,52	1,67	1,71

Bir patrul avtomobili ilə müşayiətin ümumi tarifi avtomobilin markasından, hərəkət sürətindən və qət ediləcək yolun formasından asılı olaraq müəyyənləşdirilmiş qiymətlə, qət ediləcək məsafənin hasili üzərinə qanunvericiliklə nəzərdə tutulmuş ezamiyyə xərci və ƏDV əlavə olunmaqla hesablanır.

2. Təsdiq olunmuş tariflər 2007-ci il 08 yanvar tarixindən qüvvəyə minir və bu xidmətlərə dair əvvəllər qəbul olunmuş tariflər qüvvədən düşmüş hesab edilir.

Bu cədvəldə hökumətin 2009-cu il iyunun 30-a qədər etdiyi bütün düzəlişlər əskini tapıb.