Batbat 8 Si Moises Daw Sa Paglabay Nag-atubang Si Moises Daw Si Aaron Ta Ki Paraon

Batbat 18

Si Moises Daw Sa Paglabay - 2
Nag-atubang Si Moises Daw Si Aaron Ta Ki Paraon

Exodo 5

Iiksplikar hu palag-batbat hai ha kapitulu.

P Pag-atubang ki Moises daw ki Aaron ta ki Paraon para hu paghangyù ha ipaawà din sa mga Israelita, inu sa intubag ki Paraon ta kay Moises? (Bs 2)

P Inu dayun sa binuhat ki Paraon? (Bs 7-9)

P Pag-isabi ki Paraon hu trabahu hu mga Israelita, inu sa gahinawa hu mga Israelita diyà ki Moises? (Bs 21)
Sinilutan Hu Magbabayà Sa Mga Ehiptohanon

[22]

Exodo 7:1-24

Iiksplikar hu palag-batbat hai ha mga birsikulu.

P Inu kun sa igbuhaton hu Magbabayà hu gahinawa ki Paraon? (Bs 3)

1*Usahay ku igpadoson hu utaw sa gahinawa din, igpasamot pa gayod igpadoson hu Magbabayà sa gahinawa din daw igsilutan Din pa gayod.

2*Ayuwà kuyaw para kanyu mga sulud ku igpadoson taw sa mga gahinawa taw, daw ku tagtuyuon taw sa pagsupak hu Magbabayà na siguru gayod ha iglogonlogonon kiw Kandin.
P Inu sa anay ha kabolongan ha impabuhat hu Magbabayà ta kay Moises duun hu atubangan ki Paraon? (Bs 8-10)

P Inu dayun sa binuhat hu mga baylan ki Paraon? (Bs 11-12)

P Amin ba diay gahom hu mga baylan?

P Hindu tagkapuun sa gahom dan?

3*Puun ki Satanas.

4*Usahay ig-ilahan ki Satanas sa mga utaw din hu gahom para igtuuhan sidan hu mga utaw.
P Paglam-oda ku bunsalagan kay Moises hu mga bunsalagan hu mga baylan inu sa igpasabut hu Magbabayà taan?

P Inu sa anay ha insilut hu Magbabayà hu mga Ehiptohanon? (Bs 20-21)

P Imbà gaid siluti hu Magbabayà sa mga Ehiptohanon pinaagi hu pagdagmali Din hu wahig ha Nilo?

5*Tinuyù hu Magbabayà dagmali sa wahig ha Nilo ta iyan sa sabuwa ha tag-ampuan hu mga Ehiptohanon ta magbabayà dan kun. Aman impahudù hu Magbabayà haan ha tag-ampuan dan.

P Impaawà ba human ki Paraon sa mga Israelita?

Exodo 7:25 - Exodo 8:30

Iiksplikar hu palag-batbat hai ha mga birsikulu.

P Inu sa sunud ha tatolu ha insilut hu Magbabayà hu mga Ehiptohanon? (Bs 6,17,21)

P Imbà gaid iyan isilut hu Magbabayà hu mga Ehiptohanon sa mga bakbak, mga langik daw mga langaw?

6*Ta mga magbabayà daan hai hu mga Ehiptohanon. Tagtudluan sidan hu Magbabayà ha bà dà pakadagmal kandan sa mga diosdios dan.

P Nangadalahig ba sa mga Israelita tai ha mga silut? (Bs 22-23)

P Impaawà on ba human ki Paraon sa mga Israelita? (Bs 32)
Mga Ig-insà

P Inu sa igbuhaton hu Magbabayà ku igpadoson hu utaw sa gahinawa din?

P Imbà usahay amin gahom hu mga baylan?

P Imbà lam-oda ku bunsalagan kay Moises sa mga bunsalagan hu mga baylan?

P Inu sa anay ha haopat ha silut ha in-ila hu Magbabayà hu mga Ehiptohanon?

P Imbà gaid iyan isilut hu Magbabayà hu mga Ehiptohanon sa mga tag-ampuan dan?