Əhali gəlirlərinin indeksləşdirilməsi: İndeksləşdirmə dedikdə, qiymətlərin artımı ilə əlaqədar əhalinin əsas gəlirlərinin(əmək haqqı, müavinətlər, təqaüdlər) real miqdarının (məzmunun) artırılması, üzrə tədbirlər başa düşülür. Başqa sözlə desək, gəlirlərin dövlət indeksasiyası yaşayış dəyərinin artması nəticəsində əhali gəlirlərində itkinin qarçısını almaq məqsədi ilə həyata keçirilən kompensasiya tədbirləri sistemidir. Gəlirlərinin dövlət indeksasiyası yaşayış dəyərinin artması nəzərə alınması əsasında həyata keçirilir. XX əsrin ikinci yarısından tətbiq olunan indeksasiya sistemi bazar iqtisadiyyatının inkişaf etmiş ölkələrində geniş yayılmışdır. Əhali gəlirlərindən asılı olaraq indeksasiya sistemində diferensial yanaşma prosesinə üstünlük verilir. Bu prinsip ən aşağı gəlirlərin tam kompensasiyasından tutmuş, ən yüsək gəlirləri onların minimum kompensasiyasını əhatə edir. İndeksasiya təqaüdçülərin və qərarlaşmış gəlirlərə malik olan cəmiyyətin digər üzvlərinin həyat səviyyəsinin normal səviyyədə saxlanılması üçün istifadə edilir.