Bəxtiyar Muradov

2 aparıcı sənəyə daxil olur.

I.Aparıcı:

Salam əziz dostlar, hörmətli tədbir iştirakçıları.

II.Aparıcı:

Hörmətli qonaqlarımız! Bu gün gözəl insan,

nümunəvi mədəniyyət işçisi, şair-jurnalist Bəxtiyar

Muradovun anadan olmasının 60 illik yubileyinə

həsr olunmuş “Ömür bir yuxu imiş” adlı şeir

gecəsində hər birinizi xoş gördük.

I.Aparıcı:

Gəlin əvvəlcə Bəxtiyar Muradov şəxsiyyətinin

ömür salnaməsini vərəqləyək. Kimdir Bəxtiyar

Muradov?.

II.Aparıcı:

Bəxtiyar Muradov 1953 – cü il Goranboy rayonu-

nun Dəliləməmmədli kəndində anadan olmuşdur.

orta məktəbi müvəffəqiyyətlə başa vuran Bəxtiyar

Muradov 1978-ci ildə H.B.Zərdabi adına Gəncə

Dövlət Pedoqoji İnstitunun filologiya fakültəsini

bitirmişdir.

I.Aparıcı:

Bəxtiyar müəllim bədii yaradıcılığa gənc yaşlarından

başlayıb.Yerli və respublika, habelə Rusiya

mətbuatında şeirləri və publisistik yazıları

çap olunub.

II.Aparıcı:

O, ümumşəhər tədbirlərinin proqram-ssenari

müəllifidir. Müstəqillik, vətənpərvərlik,

azərbaycançılıq, türkçülük ideyası, milli adət-ənənələr, soykökünə bağlılıq onun yaradıcılığının əsas motivini təşkil edir. Gəncənin “Şəhər gününə”həsr etdiyi “Gəncə bayramın mübarək” şeri

I.Oxucu:

Ana yurdun şəhərisən,

Dünən, bu gün səhərisən,

İpək yolun üstdə zərsən,

Gəncəm, bayramın mübarək!

Oğulların igid, ərdi,

Comərd Qəssabdı, Bəndərdi

Azərbaycana sipərdi,

Gəncəm, bayramın mübarək!

II.Oxucu:

Xan çinarlar qatar-qatar,

Hər daşında min sirr yatar,

Şöhrətin cahana çatar,

Gəncəm, bayramın mübarək!

Gündüzlərin təmtəraqlı,

Gecələrin çil-çıraqlı,

Süfrələrin dost-qonaqlı,

Gəncəm, bayramın mübarək!

I.Oxucu:

Sən ömrümün sevincisən,

Qoca şərqin incisisən,

Şəhərlərdən birincisən,

Gəncəm, bayramın mübarək!
“Şəhər günü”n təntənədir,

Bu təntənə ənənədir,

Bu təbriklər bil, sənədir,

Gəncəm, bayramın mübarək!

II.Aparıcı: Qədim Gəncə torpağı ulularımızdan yadigardır. Bu

yadigarı göz bəbəyimiz kimi saxlayıb, canımızla,

qanımızla qorumaq hamımızın müqəddəs borcudur.