Bəxtiyar Muradov

Oxucu: Bura qədim Gəncədir

Şəhərlərdən öncədir.

Şərqin “İpək yolu”nda,

Mirvaridir, incidir.

Nizami şöhrətlidir,

Məhsəti ismətlidir,

Şairlər yurdu Gəncə.

Bəndər cəsarətlidir,

Tarixin yollarında.

Cavad xan qeyrətlidir,

Müqəddəs “Ulu Gəncə”.

Kəpəz əzəmətlidir,

Göy-gölüm tək saf,duru,

Loğman təbiətlidir,

Bura qədim Gəncədir,

Bura qədim Gəncədir.

I.Aparıcı:

Bəxtiyar Muradov hazırda Gəncə Şəhər Mədəniyyət

və Turizm idarəsində məsləhətçi vəzifəsində işləyir.

Gəncə ziyalıları arasında özünəməxsus mövqeyi

olan insandır və onun ömür yolu bugünkü gənc nəsil

üçün bir örnəkdir. Bu bir həqiqətdir ki, gənclər

yaşlılarla ünsiyyətdə formalaşır, onlarla hansı mizan

-tərəzidə ünsiyyətdə olurlarsa, o ovqatda da

yetişirlər.

Oxucu: Ol şirin payım.

Ağlımı başımdan “alan” ay gözəl,

Məni kəməndinə salan ay gözəl,

Könül rübabımı çalan ay gözəl.

Eşqimin oduna qalan ay gözəl.

Gündüz Günəşim ol, gecələr Ayım,

Sevdalı ömrümə ol, şirin payım.
Elə sev inanım sadaqətinə,

Qul olum eşqinə məhəbbətinə.

Gəl mənimlə yetiş səadətinə,

Gündüz Günəşim ol, gecələr Ayım,

Sevdalı ömrümə ol, şirin payım.
Yunisoğluyam, gəl, vüsala çataq,

Sevgi dünyamıza şəkər, bal qataq,

Xoşbəxt ömür sürək, səadət tapaq,

Sevən ürəklərə işıq, nur saçaq.

Gündüz Günəşim ol, gecələr Ayım,

Sevdalı ömrümə ol, şirin payım.

II.Aparıcı:

Bu gün Azərbaycan gənci xoşbəxdir ki, öz doğma

ordumuzun sıralarında xidmət edərək vətəniməzə

olan övlad borcunu şərəflə yerinə yetirir. Azərbaycan

ordusu hər birimizin güvənc və iftixar yeri olmalıdır.

Biz öz milli ordumuzla, qəhrəman övladlarımızla fəxr

etməliyik. Bəxtiyar Yunisoğlunun vətənpərvərlik

mövzusunda yazdığı şeirləri, yüzlərlə bayatıları,

publisist məqalələri oxucular tərəfindən rəğbətlə

qarşılanır.