Bəxtiyar Muradov

I.Oxucu: “Orduya Xidmətə gedirəm.”

Müstəqil ölkənin vətəndaşıyam,

Ulu babaların qan yaddaşıyam,

Əskərəm, bu adı məğrur daşıyam,

Oğullar dayaqdır Azərbaycana,

Orduya xidmətə gedirəm, ana!

II.Oxucu: Müqəddəs Qurana mən And içirəm,

Haqqın, ədalətin yolun seçirəm,

Vətənin uğrunda candan keçərəm,

Qoymaram yadları Azərbaycana,

Orduya xidmətə gedirəm, ana!
III.Oxucu: Güc-qüvvət dilərəm Allahımdan,

Bir an ayrılmaram öz silahımdan.

Od Allam, od rəmzi Atəşgahımdan,

Od yurdu deyilib Azərbaycana,

Orduya xidmətə gedirəm, ana!
IV.Oxucu: Qan-qada çox görüb ulu məkanın,

Gərək keşiyində sayıq dayanım.

Yağıya basılsam, axsın türk qanım,

Sinəm sipər olsun Azərbaycana,

Orduya xidmətə gedirəm, ana!
V.Oxucu: Qoymaram döyüşdə ensin bayrağım,

Əvəzsis sərvətdir ulu torpağım,

Müzəffər Ordumuz sülhə dayağım,

Əbədi sülh gərək Azərbaycana,

Orduya xidmətə gedirəm, ana!

I Aparıcı: Ümumilli lider Heydər Əliyev demişdir: “Hər bir

xalqın milliliyini, mənəvi dəyərlərini yaşadan, inkişaf

etdirən onun dilidir” bu sözlərə əsaslanaraq Bəxtiyar

Muradovun “Ana dilim-saf incim” şeirini

dinləyək.