Bəxtiyar Tuncay Batı Xan tərəfindən Oqtay (Uqedey) Xanın adından Macarıstan kralı IV belaya göndərilən və dövrümüzədək latın dilinə tərcümədə yetişən yarlıq (1237-ci IL) Batı Xan

Sənə macarların kralcığına təəccüb edirəm. Sənə otuz elçi göndərsəm də niyə onları geri qaytarmır, öz elçilərini və məktubunu göndərmirsən?

Bilirəm, varlı və qüdrətli kralsan, çoxlu əsgərin var, böyük krallığı idarə edirsən. Bu səbəbdən də mənə könüllü surətdə tabe olmaq sənin üçün çətindir. Amma məbə könüllü surətdə tabe olmaq sənin üçün daha yaxşı və faydalı olar.

Eyni zamanda mənə məlum olmuşdur ki, sən mənim qullarım olan kumanları (qıpçaqları) öz himayənə almısan. Buna görə də sənə əmr edirəm, bundan sonra onları himayə etmə ki, buna görə sənə qarşı olmayım. Axı, onlara qaçmaq sənə nisbətən daha asandır, çünki onların evləri yoxdur, onlar öz çadırları ilə köçürlər və lazım gəldiyində qaçacaqlar. Səm isə evlərdə yaşayırsan, qəsrlərin və şəhərlərin var. Belə olan halda, əlimdən necə qurtula bilərsən?” (Аннинский, 1940, s. 80-81).
Ədəbiyyat
Аннинский С.А.Известия венгерских миссионеров XIII–XIV  вв. о  татарах и  Восточной Европе // Исторический архив. 1940. Т.III. С. 71-112.

Карпов А. Батый. М., Молодая гвардия, 2011. 

Рашид ад-Дин. Сборник летописей (Пер. с персидского Ю. П. Верховского, редакция проф. И. П. Петрушевского). М., Л., Издательство Академии Наук СССР, 1960. Т. 2.

Lvgd Batavorvm. Russia feu Moscovia itemque Tartaria. 1630.