Rusiya Xarici İşlər Nazirliyi (XİN) ABŞ səlahiyyətlisinin İranın “Qüds” Qüvvələrinin yeni komandirinin açıq şəkildə təhdid edilməsini “yolverilməz, qanunsuz və beynəlxalq hüquqdan xaric” adlandırıb.
XİN sözçüsü Mariya Zaxarova ABŞ-ın İsmayıl Qaaninin təhdid olunması ilə bağlı deyib: “Bir daha təkrar edirəm ki, bu, qəbuledilməzdir. Fikrimizcə, bunlar beynəlxalq hüququn təsir dairəsinə düşməyən və dünya nümayəndələrinin digər ölkələrin məmurlarına qarşı belə bir ifadə vermək hüququ olmadığı zaman tamamilə qanunsuz ifadələrdir. Belə bir yanaşma qəbuledilməzdir".
Xatırladaq ki, ABŞ Dövlət Departamentinin İran üzrə məsul işçisi Brayan Huk bildirib:
“İsmayıl Qaani amerikalıları öldürməyə davam edərsə, eyni aqibətlə üzləşəcək. Prezident Tramp illər əvvəl amerikalılara və ya Amerika maraqlarına qarşı edilən istənilən hücumun, prezidentin 2 yanvarda etdiyi kimi, həlledici cavabla qarşılaşacağını açıq şəkildə bildirib: “ABŞ-ın maraqları əminliklə qorunacaq” (Rusiya ABŞ-ın yeni.., 2020).
