Şərqi Çin dənizində Rusiya-Çin birgə hərbi təlimləri
Qeyd edək ki, Çin rəsmilərinin dilindən gerçəkdən də bu kimi bəyanatlar tez-tez səslənir və “Reuters” deyilənlərin həqiqət olduğunu sübut etmək üçün həmin xəbərdə Çin Kommunist Partiyasının baş katibi Si Tszinpinqin iyul ayında etdiyi bir çıxışda söylədiyi aşağıdakı sözləri misal çəkmişdir:
“ Dünya köklü dəyişikliklər ərəfəsindədir. Biz Avropa Birliyinin tədricən necə çökdüyünü, ABŞ iqtisadiyyatının necə bir böhranla üzləşdiyini, bütün bunların yeni bir dünya nizamı ilə bitəcəyini görürük. Dünya bir daha heç vaxt əvvəllər olduğu kimi olmayacaq. 10 ildən sonra bizi yeni dünya nizamı gözləyir, Çin Xalq Respublikası və Rusiya ittifaqı aparıcı qüvvə olacaqdır ... Biz indi ABŞ-ın həm Rusiya, həm də Çin ilə münasibətdə təcavüzkar hərəkətlərini müşahidə edirik. İnanıram ki, Rusiya və Çin, NATO-nun qarşılarında gücsüz olacağı elə bir ittifaq yarada bilər ki, Qərbin imperialist istəyinə son qoysun” (Илья Плеханов, 2016).
Bu sözlərdən bir neçə ay sonra, daha dəqiq desək, 2016-cı ilin sentyabrında Şərqi Çin dənizində Rusiya-Çin birgə hərbi təlimləri keçirildi. Həmin təlimləri şərh edən ABŞ-ın Sakit Okean donanmasının baş komandanı admiral Skott Svivt bildirdi ki, bu hərbi təlimlər başqa yerdə də keçirilə bilərdi, Rusiya və Çinin bu kimi təlimləri bölgədəki situasiyanı gərginləşdirməkdən başqa bir şeyə xidmət etmir.
Dostları ilə paylaş: |
