Çinin xarici işlər naziri Van İ
Çin şirkətləri ABŞ şirkətlərini, eləcə də Amrrikanın nəzarətində olan auditorları öz “daxili mətbəxlərinə” buraxmağa meylli deyillər. Üstəlik də Çinin daxili maliyyə hərəkətləri barədə informasiyanın xaricə ötürülməsi yerli qanunvericiliklə məhdudlaşdırılmışdır. Çətin ki, Çin təzyiqlərə boyun əyərək bu məhdudiyyətlərin dairəsini azaltmağa razı olsun. Çünki sözügedən məhdudiyyətlər ABŞ şirkətlərinin uzun illər Çində iş görməsinə və “Çin möcüzəsi”nin inşasında iştirakına heç bir maneəçilik törətməmişdir. Bu gün Amrikalı maliyyə quruluşlarının və senatorlarının sərgilədikləri sərt tutum, heç də bəzi mətbuat orqanlarının iddia etdiyi kimi, sözügedən məhdudiyyətlərdən qaynaqlanmır. Bunun səbəbi Vaşinqton və Pekin arasındakı siyasi qarşıdurmada axtarılmalıdır. Əgər sabah iki ölkə arasında müharibə çıxacaqsa, bunun da səbəbi həmin qarşıdurmanın olacağı heç bir şübhə oyatmır.
Qeyd etdiyimiz kimi, hələlik qaynar müharibədən söhbət getmir. Amma soyuq müharibə qızışmaqda davam edir. Təsadüfi deyil ki, “Bloomberg”in yazdığıa görə, mayın 24-də (2020) Çinin xarici işlər naziri Van İ ABŞ-ı “yeni soyuq müharibəyə” hazırlaşmaqda günahlandıraraq, bu hazırlıq işi ilə günümüzdə Amerikanın bir neçə qurumunun məşğul olduğunu diqqətə çatdırmışdır. Onun sözlərinə görə, ABŞ-ın dövlət katibi Mayk Pompeo ştatların qubernatorlarına Çinlə münasibətlərdə ehtiyatlı olmağı tövsiyyə etmişdir.
Dostları ilə paylaş: |
