Yazıldı taxtgahımız Bağçasarayında miñ altmış beş Şəbanında.
Xan Mühəmməd Gəray bin Səlamət Gəray Xan.
Bi-məqam Bağçasaray əl-məhrusə (Документы Крымского Ханства.., 2017, s. 148).
IV Mühəmməd Gəray Xanın Aleksey Mixailoviçə göndərdiyi beşinci yarlıq (1656-cı il)
IV Mühəmməd Gəray Xanın Moskva çarına göndərdiyi 1656-cı il tarixli beşinci yarlıq Hüseyn Fеуzxanovun arxivində “№ 172” şifrəsi altında qorunmaqdadır. Bu sənəd sözügedən xana məxsus 29 yarlıqdan on altıncısıdır.
Yarlığın qısa məzmunu:
Çapar Kökəy Əməldaşın çara, Danila Potapov və Stepan Tonkaçeyevin məhəbbətnamə və yüngül hədiyyələrlə xana göndərilməsi. Xəzinənin oktyabrda göndərildiyi barədə çarın məlumatlandırılması. Almaşuvda xəzinəni qəbul etmək üçün Mühəmmədşah bəyin elçi təyin edilməsi. Çaparın ilkin xəbərlər gətirməsi məqsədilə yola salınması. Xəzinənin almaşuva tezliklə, vaxtında, hər iki tərəfin qoşununa əziyyət olmaması üçün yaxşı havada və gündüz vaxtı göndərilməsi barədə xanın çardan xahişi.
