Xan Mühəmməd Gəray bin Səlamət Gəray Xan (Документы Крымского Ханства.., 2017, s. 149).
IV Mühəmməd Gəray Xanın Aleksey Mixailoviçə göndərdiyi altıncı yarlıq (?)
IV Mühəmməd Gəray Xanın Moskva çarına göndərdiyi naməlum tarixli altıncı yarlıq Hüseyn Fеуzxanovun arxivində “№ 173” şifrəsi altında qorunmaqdadır. Bu sənəd sözügedən xana məxsus 29 yarlıqdan on yeddincisidir.
Yarlığın qısa məzmunu:
Çarın qulluqçuları Danila Potapov və Stepan Tonkaçeyevin məhəbbətnamə ilə xanın hüzuruna gəlmələri. Xəzinənin sentyabrın sonu və oktyabrın əvvəllərində çatdırılacağı barədə çarın xana məlumt göndərməsi. Almaşuva (təhvil-təslim yerinə) göndərilmək üçün Mühəmmədşah bəyin elçi və Moskvadakı daimi elçi olaraq Ömər ağanın böyük elçi təyin edilmələri, sonuncunun çarın elçisi Andrey Akinfovu və katib Qriqoriy Aberdanovu Moskvaya məhəbbətnamə ilə birlikdə müşaiyət etməsi. Xəzinənin keçən ilki dəftər əsasında göndərilməsi barədə xanın xahişi. Bəzi əməkdar ağalara kürk əvəzinə xəz verilməsi. Xanın tikilmiş kürklərin göndərilməsi barədə xahişi. Təəbələrin nəzarətə alınması barədə qarşılıqlı razılaşma.
