Bi-məqam Bağçasaray əl-məhrusə (Документы Крымского Ханства.., 2017, s. 150-151).
IV Mühəmməd Gəray Xanın Aleksey Mixailoviçə göndərdiyi yeddinci yarlıq (1657-ci il)
IV Mühəmməd Gəray Xanın Moskva çarına göndərdiyi 1657-ci il tarixli yeddinci yarlıq Hüseyn Fеуzxanovun arxivində “№ 178” şifrəsi altında qorunmaqdadır. Bu sənəd sözügedən xana məxsus 29 yarlıqdan on səkkizincisidir.
Yarlığın qısa məzmunu:
Sipahi Roman Jukov və katib Larivan Paşin xəzinə və hədiyyələrlə. Moskva arabaçı və quşçuların Kırımdan geri qaytarılması, onların çapar Şahbazla yola salınması. Xanın xəzinənin gecikdirilməsi ilə bağlı şikayəti və bu işin, ordu çətinlik çəkməsin deyə, qışa qalmamasını xahiş etməsi. Don kazaklarının şayqalarla sultanın torpaqlarına yürüşlər təşkil etməsi. Don kazaklarının cilolanması barədə xanın çardan xahişi. İsveç kralının Polşa torpaqlarını işğal etmək istəməsi və onun Moskva ilə düşmənçiliyi. Xanın düşmənlərlə mübarizədə Moskvaya kömək barədə öhdəliyi. Sultandan asılı olan Erdel (Yransilvaniya) kralının hiyləgərliyi və isveçlilərə kazaklarla birlikdə kömək etməsi. Sultanın Erdelə yürüş təşkil etmək niyyəti və qoşun toplaması. Xanın Moskva ilə dostluğu və Moskva torpaqlarına hücum etməmək barədə vədi.
Əməkdar xidmətçilərə göndərilmiş hədiyyələrdəki əskiklik və elçi Muradın çarın ünvanına işlətdiyi təhqiramiz sözlər barədə xanın məlumatlandırılması. Deyilənlərin doğru olduğu halda elçinin cəzalandırılacağı barədə xanın vədi.
Almaşuva gedən yolda atların oğurlanması. Qar və gücdən düşən atlar. Dilmanc və tatarlar tərəfindən itmiş atların axtarışı. Dilmancın yoxa çıxması. Mühəmmədşah bəy tərəfindən tutularaq əl qolu bağlanılan tatarın qaçması və həmin adamın axtarışı. Xanın haramzadənin tapılması və cəzalandırılması barədə vədi.
