Baqi yazıldı taxtgahımız Bağçasarayında təxrirə fi mah-ı Şəbanül-müəzzəm sənə əhdi və səbin və əlf.
Xan Mühəmməd Gəray bin Səlamət Gəray Xan (Документы Крымского Ханства.., 2017, s. 161-163).
IV Mühəmməd Gəray Xanın Aleksey Mixailoviçə göndərdiyi on üçüncü yarlıq (1662-ci il)
IV Mühəmməd Gəray Xanın Moskva çarına göndərdiyi 1662-ci il tarixli on üçüncü yarlıq Hüseyn Fеуzxanovun arxivində “№ 194” şifrəsi altında qorunmaqdadır. Bu sənəd sözügedən xana məxsus 29 yarlıqdan iyirmi dördüncüsüdür.
Yarlığın qısa məzmunu:
Moskvaya məktublar aparan elçilər. Çarın yalanı. Xanın çardan Dnepr kazaklarından kənarlaşmasını və Polşadan işğal etdiyi torpaqları qaytarmasını istəməsi. Çarın Barabaş kazaklarını ələ alması. Romdanovskinin vasitəçiliyi ilə Dnepr kazakları üzərinə yürüş. Dnepr kazaklarının xana sülh təklifi məktubu, kazakların xandan kömək istəmələri. Xan qoşunlarının kazakların düşmənlərini darmadağın etməsi, Romdanovskinin qaçması. Elçi Səfərəli Atalığın çara yola salınması.
Xanın çardan dəqiq cavab və niyyətləri barədə dəqiq söz istəməsi. Polşa səfirinin gəlişi, Polşa – Tatar qoşunlarının birgə yürüşü. Şayqalarda üzüb gələn Don kazakların sultana məxsus torpaqlara ziyan vurması. Sultanın 3-4 paşanı Azak qalasına göndərməsi. Tatarların Don kazaklarını darmadağın etməsi, kazakların şayqalarını atıb qaçması. Don kazaklarının çarın razılığı ilə hücüm təşkil etmələri və boyarın şayqada olması barədə xanın məlumatlı olması.
Səfərəli Atalığın geri göndərilməsi barədə xahiş. Buna qarşılıq olaraq xanın Moskva elçisini buraxmaq istəməsi, lakin elçinin gözlənilmədən ölməsi. Xanın göstərişi ilə çarın adamlarından birinin azad edilməsi, pul və axçadan imtina edilməsi.
