IV Mühəmməd Gəray Xanın kral Vladislava göndərdiyi ikinci yarlıq (1642-ci il)
IV Mühəmməd Gəray Xandan dövrümüzədək yetişmiş 29 yarlıqdan üçüncüsü də kral Vladislava ünvanlanmışdır. Reç Pospolita kralına ünvanlanmış 1642-ci il tarixli bu ikinci yarlıq Hüseyn Fеуzxanovun arxivində “№ 67” şifrəsi altında qeyd edilib.
Kırımda saxlanılan Polşa elçisinin buraxılması və krala xanın məhəbbətnamə yarlığını aparan tatar elçisi ilə birlikdə yola salınması. Çapar Dərvişin sonrakı hadisələr barədə məlumat verməsi məqsədilə göndərilməsi. Dosta dost, düşmənə düşmən. Xanın dostluğa sadiq qalması.
Yarlığın orijinal mətni belədir:
Hu, əl-ğani əl-müin.
Mühəmməd Gəray Xan bin Səlamət Gəray Xan.
Sözümiz.
Uluğ Orda, Uluğ Yurtnıñ, Təxt-i Qırımnıñ və Dəşt-i Qıpçaqnıñ ulu Xanı Mühəmməd Gəray Xan həzrətlərindin uluğ Urusnıñ və Purusnıñ və barça millət-i Məsihanıñ padişahı və hükümdarı, mühəbbətlü dostumız və qardaşımız Viladislav, cümlə Lih məmləkətniñ və sair köp vilayətlərniñ ulu qıralına köpdin köb səlam dib, nədir halıñuz, yaxşımısız-xoşmısız daim səfada olasız deyü, hal və xatrələrin sorağanımızdın soñra halyə bunda olan ilçiñüzi yollayub, yanınca büyük ilçimizi qoşub, səlamımız və mühəbbətnaməmiz ile siz uluğ qardaşımızğa cibərgənmiz aña binaən çapqun ilçimiz Dərviş zidə qadruhu ilərü xəbər bildirməkçün köndərilmiş barça dostuñuza dost və düşmənləriñüz düşmən bolub, ömür axrınadək dostluqda mühkəm turarmız.
Siz dəxi şulay qılıb, ilçimizi tiz cibərgəy irdiñüz dib, xətt bitildi tarix biñ əlli iki yılında Şaban ayında, taxtgahımız Bağçasarayda.
