Murad Gəray Xanın knyaz Xasbulata göndərdiyi yarlığın qısa məzmunu:
Xanın öz səhhəti və əhval-ruhiyyəsi barədə sözləri. Kırıma knyaz Xasbulatın yanından onun diləyini xana çatdıran adamın gəlişi. Xasbulatın Moskva səfəri barədə məlumat. Xanın Osmanlı sultanına zamin duracağı halda knyazın da çarın adından zəmanət verə biləcəyini bildirməsi. Knyazın bu sözlərinin xan tərəfindən Osmanlı sultanına çatdırılması. Sultanın xana məktub yazaraq onun məktubunu gələn elçiyə çatdırmasını xahiş etməsi. Məktubun məzmunu: Sultanın xana olan hörməti səbəbindən Moskva üzərinə qoşun göndərməməyə hazır olması, çarın razı olmayacağı halda Barabaşdan Kiyevə qədər olan ərazilər Osmanlı torpaqlarına birləşdiriləcək. Xanın Xasbulatın elçilərinə altun tuğralı yarlıq təqdim etməsi. Xanın Moskva çarından böləklərin (yüngül hədiyyələrin) göndərilməsini və sultanın şərtlərinə əməl edilməsini istəməsi. Bunun əvəzində Moskvaya ziyan vurulmayacağı barədə öhdəlik. Xanın Osmanlı ordusu hərəkətə keçmədən xəbər göndərilməsini istəməsi. Tatar qoşunlarının Xızır İlyas bayranı günlərində Moskva üzərinə yürüş etməyə hazır olması. Knyaz Xasbulatın iki ölkə arasında vasitəçilik etməsi. Xanın Oraq Həsəni və iki yoldaşını şifahi məkumatla göndərməsi.
