İshaq bin Rahuyenin rəvayət etdiyinə görə, bir nəfər Peyğəmbərdən (s) Qəza və Qədər haqqında soruşur. Peyğəmbər (s) buyurdu: “Uca Allah Adəmin belindən zurruyətini çıxardıb onları özlərinə qarşı şahit tutduqdan sonra ovcu ilə onları götürdü. Bunlar Cənnətlik, bunlar Cəhənnəmlikdir deyə buyurdu. Cənnət əhli olanlara Cənnət əhlinin əməli asanlaşdırıldı, Cəhənnəm əhli olanlara da Cəhənnəm əhlinin əməlləri asantlaşdırıldı”.
İbn Abbas (r) rəvayət edir ki, Rəsulullah (s) buyurdu: “Allah Adəmin belindən Numanda (Ərafətdə) əhd almışdır. Onun belindən yaradacağı bütün zürriyyətini çıxardaraq qarşısına qoymuşdur. Sonra onlarla danışaraq: “Mən sizin Rəbbiniz deyiləmmi?” - deyə buyurmuşdu. Onlar da: “Bəli, şahidlik edirik” - demişlər”.
