Sazişin tətbiq sahəsi - Saziş Azərbaycan Respublikasında, habelə MDB ölkələrində dəmir yolu ilə beynəlxalq yük daşımalarını tənzim edən əsas aktdır. Saziş özündə preambulu, 8 bölməni, 41maddəni və 20 əlavəni birləşdirir.
Saziş iştirakçı – dövlətlərin daxili yollarında yük əməliyyatlarının aparılması üçün açıq olan stansiyalar arasında həyata keçirilən birbaşa beynəlxalq dəmir yolu daşımalarının hamısına tətbiq edilir. Beynəlxalq daşıma iştirakçı – dövlətlərin dəmir yolu şəbəkəsinin vasitəsilə həyata keçirilir. Saziş daşıyıcı (dəmir yolu), yükgöndərən və yükalan üçün məcburi qüvvəyə malikdir.
Əgər yükün yolasalınma (göndərilmə) və təyinat yerləri eyni bir ölkənin ərazisində olarsa və daşıma başqa ölkənin ərazisində yalnız tranzitlə həyata keçirilərsə, Saziş belə yük daşımalara tətbiq edilmir.
Dostları ilə paylaş: |
