| Birbaşa olmayan daşıma odur ki, o, sazişdə iştirak edən ölkələrdən hər birinin daxili (milli) qaydaları əsasında həyata keçirilir. Bu zaman ölkələrdən hər birinin ərazisində həyata keçirilən daşıma həmin ölkələrin nəqliyyat (daşıma) sənədi ilə rəsmiləşdirilir və bir-birinin ardınca iki daşıma müqaviləsi bağlanılır. Müqavilələrin bağlanması ölkələrin daxili (milli) nəqliyyat hüquq normalarına uyğun olmalıdır.
Birbaşa daşıma daha geniş yayılmış daşıma növüdür. Bu onunla bağlıdır ki, o, birbaşa olmayan daşımalara nisbətən bir sıra üstünlüklərə malikdir. Məsələn, daşımanın vahid nəqliyyat (daşıma) sənədi ilə rəsmiləşdirilməsi, onun müvafiq sazişlərdə nəzər tutulan vahid şərtlər əsasında həyata keçirilməsi və s. birbaşa daşımanın əsas üstünlükləri sayılır. Məhz bu səbəbdən praktikada birbaşa daşımadan daha çox istifadə olunur.
Dostları ilə paylaş: |
