Beynəlxalq yük daşınması müqaviləsi
Beynəlxalq yük daşınması müqaviləsi anlayışı
Məlum olduğu kimi, beynəlxalq yük daşınması müqaviləsi beynəlxalq daşıma müqaviləsinin növlərindən biridir. Bu müqavilə nəqliyyat vasitələri ilə beynəlxalq yük daşımaları həyata keçirilən zaman tətbiq olunur.
Beynəlxalq yük daşınması müqaviləsinə görə, daşıyıcı yükgöndərən tərəfindən ona tapşırılan yükü xaricdə olan təyinat yerinə çatdırmağı və yükü almağa səlahiyyəti olan şəxsə (yükalana) verməyi, yükgöndərən isə yükün daşınması üçün müəyyən edilmiş haqqı ödəməyi öhdəsinə götürür.
Öz hüquqi təbiətinə görə beynəlxalq yük daşınması müqaviləsi əvəzli və ikitərəfli müqavilədir. Bununla belə, daxili yük daşınması müqaviləsi kimi beynəlxalq yük daşınması müqaviləsi də real müqavilədir. Xarici müəlliflər arasında (xüsusən, Fransada) belə bir fikir geniş yayılmışdır ki, daşıma müqaviləsi konsensual müqavilədir.
Dostları ilə paylaş: |
