Beynəlxalq Futbol Federasiyaları Assosiasiyası

Etirazın sözlə və ya hərəkətlə bildirilməsi

Hakimlərin və ya köməkçi hakimlərin qərarlarına etirazını (sözlə və ya hərəkətlə) bildirən əsas və ya ehtiyat oyunçuya xəbərdarlıq edilməlidir.

Komandanın kapitanı, oyunçuların davranışına görə müəyyən dərəcədə məsuliyyət istisna olmaqla, heç bir xüsusi statusa və ya imtiyaza malik deyil.
Hakimlərə və ya oyunun rəsmi şəxslərinə hücum edən, yaxud onlara qarşı təhqiredici, kobud və ya nalayiq jestlər və ya ifadələr işlədən hər hansı əsas və ya ehtiyat oyunçu qovulmalıdır.

Oyunun bərpasının ləngidilməsi

Hakimlər taktikadan istifadə etməklə oyunun bərpasını ləngidən oyunçuya xəbərdarlıq etməlidirlər:

• 
  Yeganə məqsəd – zərbənin hakimlər tərəfindən təkrar etdirilməsi üçün cərimə və ya sərbəst zərbənin yanlış yerdən yerinə yetirilməsi;
  
• 
  Hakimlər oyunu saxladıqdan sonra topun uzaqlaşdırılması və ya əllə aparılması;
  
• 
  Oyunçuların aldığı zədənin qiymətləndirilməsi üçün tibbi heyətin meydana
  

daxil olmasından sonra meydanın tərk edilməsinin ləngidilməsi;

• 
  Hakimlər oyunu saxladıqdan sonra bilərəkdən topa toxunaraq qarşıdurmaya şərait yaratmaq.
  

Simulyasiya

Zədə almaq və ya qayda pozuntusuna məruz qalmaq görüntüsü yaradaraq hakimləri aldatmağa cəhd edən hər hansı oyunçu simulyasiyada təqsirkar hesab ediləcək və ya qeyri-idman hərəkətinə görə cəzalandırılacaq. Əgər oyun bu qayda pozuntusu nəticəsində dayandırılarsa, oyun qaydanın pozulduğu yerdən sərbəst zərbə ilə bərpa edilir.